• Latest
Добро утро со Орданоски

Доста континуитет! Дајте интегритет!

November 9, 2017
Суми, Украина, 13 април 2025 (фото извор: објава од украинската амбасадорка Дир)

Наредена задолжителна евакуација на 11 погранични села во Сумскиот регион

May 31, 2025
ОЈО/ Фото Б. Ј., ЦИВИЛ

ОЈО: Данела Арсовска како службено лице да ги посочи парцелите за коишто се сомнева дека има незаконитости

May 31, 2025

Турските власти издадоа налози за апсење на 47 опозициски функционери, досега приведени 28

May 31, 2025
Фото: Скриншот од видео на официјалниот канал на White House

Трамп најави двојно зголемување на царините за увоз на челик, од 25 на 50 отсто

May 31, 2025
Ивон Величковски, 26 јуни 2024/ фото: Ариан Мехмети- ЦИВИЛ

Брисел насетува оти Мицкоски е подготвен да го жртвува и Извештајот во ЕП

May 31, 2025
Фото: Архива

Јаглеродните траги од израелската војна врз Газа го надминува оној на цели земји

May 31, 2025
Војо Маневски

Ќе се вложуваат ли пари во образованието?

May 31, 2025

Студентите во блокада одржаа протест во Белград, бараат распишување предвремени избори за Парламентот

May 31, 2025
Фотографија: МИА

Протести во Бугарија против воведувањето на еврото

May 31, 2025
Фото: Принтскрин

Јулија Навални отвора телевизија за слобода на медиумите во Русија

May 31, 2025
CivilMedia
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
  • ДОМА
  • ВЕСТИ
  • ПОЛИТИКА
  • ИЗБОРИ
  • ОПШТЕСТВО
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
No Result
View All Result
CivilMedia
No Result
View All Result
Home СЛОБОДНА ЗОНА ДОБРО УТРО СО ОРДАНОСКИ

Доста континуитет! Дајте интегритет!

November 9, 2017 08:00
in ДОБРО УТРО СО ОРДАНОСКИ, СЛОБОДНА ЗОНА
Добро утро со Орданоски

Добро утро со Орданоски

Share on FacebookShare on Twitter

пишува: Сашо Орданоски

Еве го мојот предизвик до Новата Македонска Пост-Груевистичка Демократија: пратениците од власта во Македонското собрание да отворат темелна дебата за предложениот нов републички јавен обвинител и истиот – ДА НЕ ГО ИЗГЛАСААТ.

Ако добро го фаќам јавниот сентимент по социјалните мрежи и по скопските кафеански шеми (во што спаѓаат и неколкуте дебатни емисии што ги одгледав), мислам дека мнозинството смета дека е врвен јавен интерес на таа функција да не биде поставен довчерашниот молчелив, кооперативен, „без никаква дамка во кариерата“, доверлив заменик на г. Марко Зврлевски. Предложениот Љубомир Јовески, скоро пензионер (тоа, пак, дополнително не го разбирам?!), целата кариера неколку децении трпеливо ја гради во гнилиот македонски правосуден систем – нели околу тоа, гнилоста, сите се согласуваме, со Прибе на чело? – а во последните 13 години (од кои 11 години на власт е режимот што ги прегази сите законски и половината уставни норми на кои можам да се сетам) е член на нашето едно и единствено, тотално дискредитирано Јавно обвинителство.

Затоа ми се чини дека сега е вистинскиот момент Македонското собрание да си ја врати својата клучна улога во креирањето политики во македонскиот демократски систем, а тоа е, имено, да креира политики, и да се оттргне од функцијата да биде „гласачка машинерија“ на секоја власт, од турско и српско, до Грујово и Заево. Ајде, барем вие, пријатели од Шарената Револуција, покажете со каков демократски капацитет располагате!

Веднаш да го надополнам мојот клучен аргумент за ова: помеѓу, како што велат, неспорното искуство и професионалните обвинителски познавања на кандидатот, од една страна, и неговиот карактер како доверлив соработник на г. Зврлевски, од друга, не смее да има дилеми – карактерот е супериорниот критериум за избор на нов републички јавен обвинител! Ете, прашајте го г. Јовески во собраниската дебата со кои одлуки на г. Зврлевски не се согласил или им се спротивставил?

Уверен сум дека на Македонија ѝ требаат луѓе со ИНТЕГРИТЕТ, а не луѓе со знаење за КОНТИНУИТЕТ. Прилично континуитет ни се натрупа по падот на Груевски од власт.

Дополнително, додека сме веќе на темата, би сакал да направам и една друга проверка: дали на седницата на Владата кога е утврдуван овој предлог, се нашол некој да дебатира и да се спротивстави на решениево, или е г. Заев окружен само со еветџии-ефендии кои аминуваат сѐ што ќе дојде како резултат на затворените политички кадровски кујни на новата власт? Што мисли, на пример, министерката за одбрана или министерот за надворешни работи за овој предлог, или секој само си ја чува својата гардероба и своите паричници кога ќе се изгаси светлото?

Плус, дали советниците на премиерот ова кадровско решение, пред да биде официјално предложено, го провериле со ставовите во пратеничките групи кои ја репрезентираат Владата во Собранието или и пратениците од медиумите ги дознаваат решенијата за кои ќе им се наложи да гласаат?

Од друга страна, што е право, и Катица Јанева своевремено беше мал шок од кадровски предлог, со сите контроверзи што се отворија… Па тоа решение, помалку или повеќе, се покажа како полн погодок. Само што зад изборот на Катица застанаа сите во Собранието, оти таков беше „големиот политички договор“, оверен од странците.

Сега, пак, имаме демократско Собрание! Ајде да видиме вистинска, одговорна дебата во него. Оти, ние тие пратеници сме ги бирале, а не министрите – таму, во Собранието лежи демократскиот легитимитет што сме го дале кога гласавме на избори.

Print Friendly, PDF & Email
Tags: владагруевизамЗоран ЗаевинтегритетКатица ЈаневаконтинуитетЉубомир ЈовескиМарко ЗврлевскиНикола ГруевскиОсновно јавно обвинителствопарламентРајнхард ПрибеСЈОСобраниеСпецијално јавно обвинителствошарена револуција
Share201Tweet21Send

НАЈЧИТАНИ 5

  • Четворица затвореници барале 1.200 евра од мајка за да не и го тепаат детето во затворот „Идризово“

    92 shares
    Share 37 Tweet 23
  • Си Џинпинг: Русија е наш вазал отсега па натаму

    92 shares
    Share 37 Tweet 23
  • (ВИДЕО) Експлозија во Ставропол го уби рускиот функционер кој ги предводеше нападите врз украинскиот Мариупол

    92 shares
    Share 37 Tweet 23
  • Што ти се чинеше…

    90 shares
    Share 36 Tweet 23
  • Таравари го разреши Арбен Фетаи од партиската функција, за локалните избори најави соработка и со ДУИ и со „Влен“

    89 shares
    Share 36 Tweet 22

CIVIL MEDIA NEWSLETTER

Check your inbox or spam folder to confirm your subscription.

CivilMedia

СЛОБОДНО.НЕЗАВИСНО.ОТВОРЕНО

  • ЗА НАС
  • ИМПРЕСУМ
  • КОНТАКТ
  • АВТОРСКИ ПРАВА
  • Политика на приватност
  • МАРКЕТИНГ

Следете нè

No Result
View All Result
  • ДОМА
  • ВЕСТИ
  • ПОЛИТИКА
  • СЛОБОДНА ЗОНА
  • АНАЛИЗИ
  • РЕГИОН
  • СВЕТ
  • ВОЈНА ВО УКРАИНА
  • ДЕЗИНФО
  • ФОРУМ
  • ГРАЃАНСКА АКЦИЈА
  • МАРКЕТИНГ
  • ИМПРЕСУМ