Старата скопска чаршија е уникатна затоа што e една од најголемите знаменитости на градот, трговски и културно-историски дел на Скопје, таа е комбинација од византиското, османлиското време и е една од најголемите на Балканот, рече за Градска.мк претседателот на Еснафите на Старата скопска чаршија, Бујар Дуволи.
Тој за нашата редакција на местото каде што го водевме разговорот во Сули ан вели дека за развитокот на чаршијата низ историјата, нејзината културна вредност и занаетите кои биле застапени на просторот сведочат предметите изложени во Музејот на Старата скопска чаршија.
„Прво, погледнете каде се наоѓаме и ќе разбереме зошто е уникатна Чаршијата. Имаме нешто што е и бизнис и старо. Нудиме култура и ги пречекуваме луѓето широкоградно кои излегуваат од Чаршијата задоволни, рече меѓу другото Дуволи.
За тоа колку е Чаршијата атрактивна за туристи, тој кажува дека се позитивно изненадени што надвор од летните температури имало туристи што го посетувале чаршијата. Тој, кажува дека секој турист што влегол во државата регистриран или нерегистриран ја има посетено, што ја прави ова место еден од бисерите на Скопје.
Прашан дали Европската унија и помага на чаршијата преку нивните проекти тој вели дека последниот проект колку што се сеќава е за промена на излозите на дуќаните за да изгледат автентично, но тука секогаш е јорганѓиската улица именувана како „Европска Улица“
„Европската унија која што нон стоп донира, а која што сме ја нарекувале улицата на Европската унија е таа со чадори, таму донира нон стоп. Ова година планираме да ја прошириме малку таа улица (сокак). Тоа ќе го направиме уште по интересен, нормално со знаците на Европската унија, со кои што членови на еснафот имаат веќе контакти и се во преговори за да продолжи тој проект да биде финанциран од Европската унија“ – рече Дуволи за Градска.мк.
Инаку „Јорганџиска улица“ во Старата скопска чаршија во 2018 година симболично беше инаугурирана во „Европска улица“.
Тогашниот евроамбасадор Самуел Жбогар, кој присуствуваше на инаугурациајата, рече дека симболичниот подарок – филигрански брош што и го подари златарот Селајдин Асани во Старата скопска чаршија, на високата претставничка за надворешни работи и безбедносна политика Федерика Могерини при нејзината последната посета на Скопје во септември, ја покажува за великодушноста на самите граѓани на Старата чаршија, но исто така покажува и за уметноста, вештините кои се негуваат во чаршијата.
За да ја изрази својата благодарност Могерини испрати благодарница до златарот, која му ја врачи Жбогар. Златарот Асани им се заблагодари на евроамбасадорот Жбогар и на Могерини и рече дека му и е мило што го наравил тој гест.
Назми Абдурахмани
Извор: Градска.мк
