Во одговор на полициската репресија против мирните демонстранти во Куба на 11 јули, директорката на Амнести Интернешнл за Северна и Јужна Америка, Ерика Гевара Росас, изјави:
„На историски ден за Куба, илјадници луѓе излегоа на улиците да демонстрираат мирно во повеќе делови на земјата, користејќи ги своите права на слобода на изразување и мирно собирање. Неприфатливо е кубанската влада да ги негира овие права со децении и да го прави тоа и денес.“
Гевара Росас ја извести светската јавност дека Амнести добиле извештаи од теренот за низа репресивни мерки на кубанските власти.
„За време на вчерашните спонтани демонстрации, кои се раширија низ различни области на земјата, Амнести Интернешнл прими алармантни извештаи за блокирање на интернетот, арбитрарни апсења, прекумерна употреба на сила – вклучително и полициско пукање врз демонстрантите – и извештаи дека има долг список на исчезнати лица.”
Понатаму, Гевара Росас го осуди инфламаторниот речник на кубанскиот претседател Мигел Диаз-Канел и повика на почитување на правото на мирен протест.
„Наместо да спроведуваат репресии врз населението, кубанските власти имаат обврска да го штитат правото на мирни протести. Воспалителната реторика на претседателот Мигел Диаз-Канел за „војна“ и конфронтација, создава атмосфера на насилство против оние кои бараат одговорност и слободно уживање на своите човекови права.“
Исто така, Ерика Гевара Росас пораба од кубанските власти да ги решат социјалните проблеми и барањата за човекови права и слободи.
„Владата на Дијаз-Канел мора да ги реши социјалните барања на своите граѓани, имајќи ги предвид економската криза, недостигот на храна и лекови, колапсот на здравствениот систем – кој не одговара на сегашната криза КОВИД-19 – и акумулацијата на историските барања за почитување на правата и на слободата на изразување и мирно собирање“.
Масовните протести во Куба, според Амнести Интернешнл, претставуваат очајнички крик до владата која не го слуша гласот на своите граѓанки и граѓани.