Претседателката на Европската комисија Урсула фон дер Лајен им оддаде почит на украинскиот претседател Володимир Зеленски и на украинскиот народ при доделувањето на наградата „Карло Велики“ за нивните напори да се спротивстават на руската инвазија врз нивната земја.
President @ZelenskyyUa and the people of Ukraine are fighting for the values and obligation that the Charlemagne Prize embodies.
In doing so, they are also fighting for our own freedom and values.
Democracy and the rule of law, free speech, freedom to create your own destiny.
— Ursula von der Leyen (@vonderleyen) May 14, 2023
Тие буквално се борат за слобода, хуманост и мир, истакна Фон дер Лајен за време на церемонијата на доделување на наградата во западниот германски град Ахен, пренесоа западните медиуми.
Со својата крв и својот живот, тие ја обезбедуваат иднината на своите, но и на другите европски деца, рече шефицата на ЕУ, пофалувајќи го Зеленски за неговото безусловно верување дека оние кои се бореле за нешто секогаш биле посилни од оние кои сакале да го наметнат својот јарем на другите.
Фон дер Лајен се потсети и на нејзиното прво патување во Украина по почетокот на руската инвазија минатата година.
Ги видов масовните гробници до црквата, вреќите со тела лежат блиску една до друга. Никогаш нема да ја заборавам сликата на безбројните свеќи кои ги претставуваат животите на татко, мајка, син, ќерка, брат или сестра, бесмислено згаснати, истакна таа мислејќи на нејзината посета на кијивското предградие Буча, кое беше окупирано од руските војници во пролетта 2022 година.
Г. Т.