Националниот координатор за акцискиот план за вработување на млади во Република Македонија, при Министерството за труд и социјална политика, Младен Фрчковски, на конференцијата „Општество без граници“ во организација на ЦИВИЛ – Центар за слобода истакна дека младите стануваат атрактивни на пазарот на трудот и по дури две ипол години по завршеното образование, премногу долг период, по кој им е непходно дополнително едуцирање и процес на активација, за да го обноват стекнатото знаењето и да бидат работно способни во вистинска смисла на зборот.
„Доколку почувствуваат работодавачите дека им недостасува работна сила, тие самите ќе ги подобрат условите за работа, платата и сите други поволности што им следат на работниците, нормално во секоја држава. Ако видите со години наназад, согласно официјалните податоци на Државниот завод за статистика, од 6.000 до 7.000 работни места има слободни. Со оглед на понудата, односот на работодавачите е таков каков што е, кога ќе се создаде конкуренција меѓу нив, и ќе има потреба од 60.000 работни места…, работникот ќе биде тој што ќе кажува какви сака да му бидат работните услови“, изјави Фрчковски, истакнувајќи дека е потребно да се потикнуваат младите за отворање на сопствени бизниси за на тој начин да ја креираат својата иднина.
Камера: Атанас Петровски и Дехран Муратов
Монтажа: Ермин Климента
Изјавата/излагањето на конференцијата е дел од проектот „Општество без граници“, што ЦИВИЛ – Центар за слобода го спроведува со поддршка од германската Фондација „Хајнрих Бел“. Целта на проектот е промовирање и едукација на граѓанките и граѓаните на Македонија за Граѓанската повелба, глобален документ за унапредување на граѓанските права и на активното учество на граѓаните во процесите на одлучување.
