„Некои датуми засекогаш ќе бидат врежани во нашите мемории. Сите помниме што се случи на 24.02.2022 и што правевме тој ден кога Русија ја нападна Украина. Руската инвазија врз Укрина демонстрира безграничен презир кон меѓународното право, европските безбедносни мерки и најфундаменталните закони од Резолуцијата на ОН. Украинската цел и наша цел. Претседателот Зеленски беше во право кога истакна дека неговите војници не се борат само за Украина, туку и за нашата безбедност и нашите вредности“, изјави Биби Грамсон, заменичка на Амбасадорката на Шведска, на конференцијата „Украина – година на хероизмот“.
„Ние сме длабоко исполнети со почит за украинскиот народ кои покажаа извонреден хероизам, борејќи се за демократија и човекова слобода. Руската агресија е повеќе од напад врз Украина и нејзиниот народ, тоа е напад врз секоја земја која си го има правото да си ја одреди својата иднина“, вели Грамсон.
Грамсон додаде дека Шведска како претседавач на ЕУ има цел да најде ефикасни политички за спречување на војната, вршејќи притисок брз Русија, Белорусија и другите страни, вклучително носење санкции и барајќи одговорност. Од друга страна, како што нагласи тоа подразбира обезбедување на Украина политичка, економска, војна, права и хуманитарна помош.
„Помошта и поддршката на Украина ќе бидат клучни. Шведска и ЕУ ќе бараат одговорност за злосторствата за време на руската агресија врз Украина. Оние што се одговорни, мора да бидат изведени пред правдата. Го поддржуваме воспоставувањето на трибунал за криминалот произлезен од руската агресија врз Украина. Шведска работи за барање одговорност пред Меѓународниот суд на Советот на ЕУ и преку ОБСЕ. Има пред и по 24 февруари 2022. Руската илегална и неиспровоцирана инвазија врз Украина е закана за европската безбедност, со страшни последици по миграцијата, како и глобалното обезбедување на храна и енергија. Руската агресија влијаеше врз стабилноста во регионот, врз Шведска и глобалната безбедност. Во ова светло Шведска поставува нов правец за целосната надворешна, безбедносна и одбранбена политика.
Поддршката на Шведска е повеќе од 1.2 милијарди евра, вклучително воена и хуманитарна помош, финансиска помош, поддршка во реизградба и во реформите. Шведска ќе остане на страната на Украина, колку и да е потребно.
И покрај војната, Украина работи за донесување на потребните реформи. Во следните месеци, за време на шведското претседателство Украина ќе добие фит-бек за реформите.
Украина ѝ припаѓа на Европа и припаѓа во Европската Унија“; истакна Грамсон.
Камера: Атанас Петровски/ Александар Ризински
Реализација и монтажа: Ариан Мехмети
