ДРАГАН МИШЕВ
Министерот за надворешни работи, Тимчо Муцунски, се испофали дека заедно со премиерот Христијан Мицкоски и со претседателот на Републиканската партија на САД, Мајкл Ватли, ја следеле инаугурацијата на американскиот претседател Доналд Трамп… од ложа.
Но, од каде и во кое друштво премиерот Мицкоски со свитата министри, секретари, подсекретари (допрва ќе се утврдува кој сé патувал во Вашингтон) ја следеа инаугурацијата на Трамп, за која во домашните медиуми се говореше дека добил покана од Трамп.
Всушност, Мицкоски, најверојатнo најмногу што можел да добие за парите што ги платаил на ПР агенцијата која го поканила, било место во ложата во Капитал Оне Арена, каде беа собрани поддржувачите на Трамп за да го следат преносот од инаугурацијата на големите екрани во арената.
Capital One Arena е затворена арена во Вашингтон, D.C. Сместена во делот на кинескиот град на поголемиот Пен кварт, арената се наоѓа на врвот на брзата транзитна станица Gallery Place на метрото Вашингтон.
Арената е во сопственост и управувана од Monumental Sports & Entertainment, тој е домашна арена на Вашингтон Капиталс на Националната хокеарска лига (НХЛ), Вашингтон Визардс од Националната кошаркарска асоцијација (НБА) и машкиот кошаркарски тим на Универзитетот Џорџтаун. Исто така беше дом на Вашингтон Мистикс на Женската национална кошаркарска асоцијација (ВНБА)
До Капитол Хил, каде што Трамп ја положи заклетвата како 47 претседател на САД е оддалечена 1, 6 километри, со одење пешки, доколку не ве болат колената, може да стигнете за 20 минути. Со автомобил се стигнува за 5 минути, ако не е блокирано поради инаугурацијата, или не заглавите во сообраќаен метеж предизвикан од возила на приврзаниците на Трамп. Но сето тоа под услов да имате покана за да присуствувате на инаугурацијата во Каптол Хил. Ако немате, како Мицкоски, ќе си гледате на видео бим во Капитал Оне Арена.
Значи нашиот премиер, и министерот за надворешни, не ја следеа инаугурацијата во друштво на светски лидери, и видни личности, туку заедно со најтврдокорните поддржувачи на Tрамп (види фото).
Всушност, од европските лидери само италијанската премиерка Џорџа Мелони присуствуваше на инаугурацијата со покана.
Ништо подобро не поминаа ниту останатите „туристички патници“ во Вашингтон, кои се сликаа пред тезга која продава трговски стоки со логото на Трамп, а инаугурацијата ја следеа во банкет сала.
Изгледа дека сепак, најголем дострел на патувањето имаше токму премиерот, кој се пофали на Фејсбук дека се фотографирал со една од најпрепознатливите телевизиски, новинарски и медиумски лица во американската јавност, Маган Кели.
Во меѓувреме, провладините новинари и медиуми пуштени на најјако да ја прикажат како колосален дипломатски успех владината апсолвентска екскурзија во Вашингтон со државни пари.
