Организацијата за миграции на Обединетите нации (ИОМ) објави извештај според кој повеќе од 33.000 мигранти се удавиле во обид да стигнат до Европа од 2000 година до сега.
Извештајот е фокусиран на Средоземно Море, кое е главниот морски пат преку кој мигрантите од Африка или Азија се обидуваат да стигнат до Европа. Со затворањето на балканската рута на почетокот на 2016 година, бројот на несреќни случаи меѓу Турција и грчките острови во Егејско Море се намали, но затоа пак илјадници луѓе се удавија во обид да отпловат од Либија до Италија.
Во текот на 2017 вкупно 161.000 мигранти стигнале во Италија од Европа, а 3.000 се удавиле по пат.
извор: МИА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.