ВЕСТ НА ДЕНОТ
ИП-адресите за лажните закани за бомби водат кон Иран и Русија
Ова е еден интензивен хибриден напад што ни се случува низ целата територија на земјата, при што беа зафатени околу 120 објекти, не само училиштата. Безбедносните служби активно работеа, безбедноста не беше загрозена, но мораше да се постапува според упатствата
ИЗЈАВА НА ДЕНОТ
Петровска: Заедно ги рушиме стереотипите и создаваме вредносен систем за родова еднаквост во безбедносниот сектор
Долги години за жал владееја стереотипите дека безбедниот сектор, особено високите раководни позиции се резервирани исклучиво за мажите. Но, со нашата упорност, истрајност и мудрост успеавме тоа да го промениме. Секоја од нас е подготвена да одговори на сите предизвици со кои се соочуваме, да се вложи целосно и да биде подеднакво успешна, не само затоа што е жена, туку затоа што навистина сме способни и ние тоа да го направиме. Минатата недела потпишав назначување на првата жена началник на секција во рамките на Генералштабот на Армијата, и тоа го направив не само затоа што е жена, туку затоа што станува збор за офицерка која навистина има капацитети и вредности“, рече Петровска.
ВОЈНА ВО УКРАИНА
Одбраната на Бахмут Врховниот командант на вооружените сили на Украина Валериј Залужњи и командантот на оперативната и стратешка група трупи Хортица, Олександр Сирскиј, рекоа дека одбранбената операција и натамошното зајакнување на позициите во Бахмут мора да се продолжи.
Украинската контраофанзива и судбината на Путин Поранешниот началник на Генералштабот на Велика Британија, генерал Ричард Денат, смета дека во случај на успешна контраофанзива од страна на Украина, рускиот претседател Владимир Путин ќе биде исфрлен од Кремљ.
Олена Зеленска на конференција Обединети за правда Жртвата никогаш не е одговорна за злосторството – одговорен е само сторителот.
ФЛЕШ ВЕСТИ
ИНИЦИЈАТИВА ЗА УНИВЕРЗАЛНА САЛА Денеска до претседателот на Советот на Град Скопје доставено е Барање за дополнување на дневниот ред за 26-тата седница на Советот за времено отстапување на корисничкото право на објектот на Јавната установа Универзална сала од Град Скопје на Владата на Република Северна Македонија, соопшти Љубица Јанчева, координаторка на советничката група на СДСМ и коалицијата во Советот на Град Скопје.
РЕАКЦИЈА НА ЕВРЕЈСКАТА ЗАЕДНИЦА Во пресрет на 80 годишнината на комеморацијата од депортацијата на Евреите од Македонија во центарот за убивање Треблинка, 11 март, Еврејската заедница во Република Македонија и Фондот на холокаустот на Евреите од Македонија се згрозени и навредени од се почестите антисемитски појави во нашата држава.
ПОДДРШКА ЗА РАНЛИВИ КАТЕГОРИИ МТСП ги известува граѓаните, дека согласно Законот за финансиска подршка на ранливи категории граѓани за справување со енергетската криза, списоците на корисници на финансиска поддршка согласно овој закон се објавени на веб страната на Министерството.
ПОТРАГА ПО ИЗЧЕЗНАТО МОМЧЕ Министерот за внатрешни работи Оливер Спасовски денеска потврди дека се постапува по случајот со исчезнувањето на 26-годишното момче кое, според пишувањата во медиумите, е роднина на политичарот и лидер на „Обединети за Македонија“ Љубе Бошкоски.
ЛОКАЛНА САМОУПРАВА Интензивно се работи на седум проекти во Куманово со буџети над 80 милиони денари наменети за подобар живот на кумановци, заклучи министерот за локална самоуправа Ристо Пенов од денешната средба со градоначалникот на Куманово, Максим Димитриевски.
РЕГИОН
АЛБАНИЈА Во Албанија најпопуларен политичар и натаму е лидерот на владејачките социјалисти и актуелен премиер Еди Рама. Освен за Рама, позитивна или негативна оценка дале и за лидерот на побројното крило на опозициската Демократска партија (ДП), Сали Бериша, за лидерот на Партијата на слободата Илир Мета и вршителот на должноста претседател на ДП, Енкелед Албеај.
СВЕТ
ГЕРМАНИЈА Поранешниот член на Пинк Флојд, Роџер Вотерс се соочи со уште едно откажување на неговото шоу бидејќи германската општина Франкфурт неодамна објави дека настапот на Вотерс за претстојниот фестивал нема да се случи. Властите ги навеле неговите политички коментари како причина за откажувањето и ја нарекле поранешниот член на Пинк Флојд – антисемит.
САД Едно лице загина, а две други се тешко повредени при уривање на мал авион со еден мотор во Лонг Ајленд, Њујорк, соопштија локалните и федералните власти.
ШПАНИЈА Премиерот Педро Санчез во пресрет на 8 Март, најави дека Шпанија ќе стане првата голема европска земја која ќе воведе опсежни правила за родова еднаквост во политиката и бизнисот, со закон што неговата влада ќе го поднесе овој вторник.
ГРЦИЈА Да им се даде приоритет на случаите поврзани со железничката несреќа кај Темпи и доколку е потребно, распоредување на највисоко можно истражно ниво, бара грчкиот премиер Кирјакос Мицотакис во дописот испратен до обвинителот од Врховниот суд Исидорос Дојакос.
ИРАН Врховниот лидер на Иран, ајатолахот Али Хамнеи го осуди бранот сомнителни напади со отров, кои засегнаа девојчиња во десетици училишта, како „непростлив криминал“.
СЛОБОДНА ЗОНА
Дерала: Русите се борат со лопати, како во 19-от век
Едно нешто имаат Русите во изобилство – топовско месо. Ни малку не се загрижени за количествата на месо и коски што ќе ги остават во битката за Бахмут. Луѓето што ги испраќаат на фронтот, за нив немаат вредност. Од војната против Наполеон до Втората светска војна, па сè до денешен ден, руската воена тактика не се променила. Безбројни човечки животи се фрлаат во оган како да се стари партали.
Бранко Тричковски: Проблемот кој не може да се реши престанува да биде проблем
Има, се разбира еден куп оправдувања за нивната инфантилност, но има и многу сериозни одговорности затоа што тој дел од народот е на границата со своите возбудливи илузии да предизвика општа штета и кај луѓето што штедат во Банка Интеза. Освен инфантилноста тука играат улога и опортуноста, стрвта, злобата, зависта, со еден збор – човечките слабости од чии издувни гасови можеме да се отруеме сите во заедничкиот лифт на историјата.
.Д. Мишев