Изборите на северот на Косово се една од главните теми во косовските медиуми и денеска, според кои, изборите на север не се гледаат како долгорочно политичко решение, меѓународните бараат формирање на Заедницата. Украинскиот министер за аграрна политика и храна Микола Солскиј и албанската министерка за земјоделство и рурален развој Фрида Крифца одржаа онлајн состанок на кој разговараа за земјоделскиот извоз и транзитот на украинските земјоделски производи, и се согласија за предлогот за исплата на компензација за транспорт на жито во Европа, кој би се засновал на прогресивен принцип.
Ова се дел од темите што редакцијата на ЦИВИЛ Медиа ги издвои од албанските медиуми во регионот.
КОСОВО
Репортери: Изборите на север не се гледаат како долгорочно политичко решение, меѓународните бараат формирање на Заедницата
„За Европската Унија, изборите одржани во недела на северот на Косово (23.04.) не нудат долгорочни политички решенија за четирите општини на северот на Косово. Според ЕУ, политичкото решение „може да се постигне само преку трајно враќање на Србите во институциите на Косово“. Само нешто повеќе од 3% од речиси 45.000 гласачи учествуваа на вонредните избори за градоначалник на северните општини, Северна Митровица, Звечан, Лепосавиќ и Зубин Поток. Изборите беа масовно бојкотирани од локалните Срби.“, пренесе Репортери.
Инсајдери: Косово забранува кинеска опрема при јавните набавки, тие претставуваат ризик за националната безбедност
Регулаторната комисија за јавни набавки (РК) го забрани одобрувањето на телекомуникациската опрема од Кина, како Huawei и ZTE, бидејќи тие претставуваат ризик за националната безбедност на земјата.
КРПП им наложи на бизнисмените да не конкурираат за јавни набавки со кинеска и руска технолошка опрема.
Во соопштението на веб-страницата за е-набавки, КРПП објави дека кинеските и руските технолошки уреди како „Хуавеј“ и „АО Касперски Лаб“ се забранети со законските одредби кои важат на Косово, пренесе Инсајдери.
РТВ 21: ЦИК денеска ќе ги објави резултатите од изборите за општините на северот
Централната изборна комисија на Косово (ЦИК) соопшти дека денеска ќе бидат објавени резултатите за вонредните избори во четирите северни општини на Косово.
На дневен ред е и објавувањето на резултатите за изборите за градоначалник во Северна Митровица, Звечан, Лепосавиќ и Зубин Поток, како и предвремените избори за општинските собранија во Звечан и Лепосавиќ, пренесе РТВ 21.
АЛБАНИЈА
Факс Веб: Албанија ќе служи како транзитна земја за жито од Украина
“Украинскиот министер за аграрна политика и храна Микола Солскиј и албанската министерка за земјоделство и рурален развој Фрида Крифца одржаа онлајн состанок на кој разговараа за земјоделскиот извоз и транзитот на украинските земјоделски производи.
Соодветната изјава ја даде Министерството за аграрна политика и храна на Украина, јавува дописникот на Укринформ.
Крифца на онлајн средбата изрази поддршка за предлогот за исплата на компензација за транспорт на жито во Европа, кој би се засновал на прогресивен принцип.“, пренесе Факс Веб.
РТШ: Изборната канцеларија на „Башке фитојме“ надвор од правилата, Казијај: СП со билборди на секоја улица, следењето да биде еднакво
„На денешната седница на ЦИК се разговараше за отворање изборна канцеларија од страна на Коалицијата „Заедно победуваме“ многу блиску до ЦИК бр. 37, што, според мониторот, не ги почитувало правилата за растојание и е спротивно на упатството бр.6.“, пренесе РТШ.
КОЛУМНА
Балкан Веб: Прадедовците на Абрамовиќ и погрешните референци на власта
„Минатиот септември, Европската комисија ја тужеше Малта пред ЕСП откако лабуристичката влада одби да стави крај на шемата за златен пасош и покрај бројните скандали; ова, исто така, вклучува видеа на владини претставници кои разговараат за одвојувањето на митото од доделувањето државјанство. Всушност, малтешките лабуристи владеат од 2013 година преку државно заробување, корупција на високо ниво, перење пари и убиство на истражувачката новинарка Дафне Каруана-Галиција.“, извадок од колумната „Прадедовците на Абрамовиќ и погрешните референци на власта“, од авторот Генц Поло, објавена во Балкан Веб.
Д. Тахири
