Во денешните изданија на албанските медиуми во регионот преовладува ситуацијата со барикадите на северот на Косово и предвидувањата за наредната година во однос на евентуалната ескалација на ситуацијата. Досега е отстранета само една од трите барикади, таа во Мердаре, а двата гранични пунктови Јариње и Брњак сè уште се затворени. Според директорот на белградскиот Центар за меѓународни односи и безбедност Игор Новаковиќ, ниту следната година не очекува да се постигне договор помеѓу Србија и Косово.
ИНА: Двата гранични пункта Јариње и Брњак сè уште се затворени
Косовскиот националнен центар за гранично управување соопшти дека во петок наутро продолжуваат да бидат затворени двата гранични пункта Јариње и Берњак, пренесе косовскиот медиум ИНА.
БОТА СОТ: Ескалацијата меѓу Косово и Србија е одложена, но што ќе се случи во 2023 година според српскиот директор за безбедност
Директорот на белградскиот Центар за меѓународни односи и безбедност (Фондот ИСАК), Игор Новаковиќ, не е оптимист како европскиот посредник за дијалогот Мирослав Лајчак дека договор меѓу Србија и Косово може да се постигне следната година, пишува во косовскиот дневник Бота Сот.
ТОП ЧАНЕЛ: Политички превирања 2022 година, кој беше најкулминантниот настан за годината што ја оставаме зад нас
„На крајот на годината Албанија се соочи со невиден сајбер напад, каде што сите владини системи беа хакирани и непристапни. На 7 септември Еди Рама ги прекина односите со Иран, обвинувајќи го за одговорност за овие напади и протерување дипломати од Тирана. ДП повторно е шокирана кога на сцената се појавуваат информации дека е финансирана од руски пари.“ извадок од ретроспективата на Топ Стори на албанскиот медиум Топ Чанел.
Лајм: „Збогум до следната криза предизвикана од искусниот градител на барикади“
„Се чини дека шоуто заврши. „Врховниот началник“ за подигање на барикадите дал наредба тие да бидат отстранети од утрово. Но, „врховниот началник“ на барикадите на средба со криминалци, шверцери и злосторници во Рашка предупреди на следната криза: „Знам дека нашиот народ никогаш нема да биде задоволен додека не биде јасно дека живее во Србија, а не во друга земја“, извадок од колумната „Збогум до следната криза предизвикана од искусниот градител на барикади“ од Енвер Робели, објавена во македонскиот медиум Лајм.
ИНДЕКС -Касами со своја уста признава: Секако дека сме против евроинтеграциите
„Лидерот на Движењето Беса пред денови го услови гласањето на уставните измени со одржување на предвремени парламентарни избори, со што се израмни на иста линија со Левица и ВМРО-ДПМНЕ.
Политичкиот гнев на Касам ги надминува сите граници и за да ја исполни амбицијата да дојде на власт, тој е подготвен да ја жртвува европската иднина на земјата со тоа што не ги поддржува потребните интегративни процеси.“, извадок од едиторијалот “Касами со своја уста признава: Секако дека сме против евроинтеграциите“ на македонскиот медиум ИНДЕКС.
Д. Тахири
