КОХА: Три гранични точки со Србија затворени со барикади
Покрај граничните премини Јариње и Брњак кои беа затворени пред речиси три недели, во вторникот вечерта за сообраќај беше затворен и граничниот пункт во Мердар.
Според косовската полиција, патот бил блокиран приближно на вториот километар на територијата на Србија, од граничната точка во Мердар, пренесува косовскиот дневник Коха.
ИНФОКУС – Сервер: Попуштањето пред хулиганите би имало катастрофални последици за Косово
Опишувајќи ги тензиите на северот на Косово, познатиот американски професор Даниел Сервер рече дека „српските хулигани ги блокираат патиштата, напаѓаат новинари, пукаат во полицијата и членовите на КФОР“, но и дека тие „не се случајни насилници“, туку оние кои „се платени и контролирана од Белград“, пренесува косовскиот дневник Инфокус дел од изјавата на Даниел Сервер за Ал Џазира.
ЗЕРИ -Вучиќ: Правиме се за да го одржиме мирот и стабилноста
Српскиот претседател Александар Вучиќ изјави дека разговараат „со сите“ и „прават се за да се зачува мирот и стабилноста“, да се најде компромисно решение, пренесува косовскиот медиум Зери.
Вучиќ не зборуваше за причините за подигнување на борбената готовност на највисоко ниво, одлука што ја донесе вчера.
КЛАН- Џачка: Барикадите се поставени од група криминалци
Министерката за Европски прашања и надворешни работи на Република Албанија, Олта Џачка, изрази длабока загриженост поради ескалацијата на тензиите на северот на Косово, пренесе албанскиот медиум Клан.
„Барикадите што се подигнати на север, не од некој бран на народниот гнев, туку од група озлогласени криминалци, не само што го спречуваат нормалниот тек на животот. Тие се и сцени кои потсетуваат на мрачните денови од 90-тите, кои нашиот регион еднаш засекогаш ги остави зад себе, заедно со поранешната Југославија која замина“, вели Џачка меѓу другото во својата реакција.
БОТА СОТ- Дачиќ ја обвини албанската главна дипломатка дека го поттикнува Курти за нови „провокации“
Министерот за надворешни работи на Србија, Ивица Дачиќ, одговори на реакцијата министерката за надворешни работи на Албанија, Олта Џачка, пренесува косовскиот дневник БОТА СОТ.
„Таа со ниту еден збор не го потсети Курти дека има меѓународна обврска да го спроведе Бриселскиот договор, резолуцијата 1244 и сите други релевантни документи, обврската за формирање Заедница на општини со српско мнозинство, дека не се осмелува да испрати албански вооружени единици. на северот. и дека не се осмелува да апси Срби само затоа што се Срби“, изјави Дачиќ.
Д. Тахири
