Претседателските кандидати ја продолжија кампања за изборите што ќе се одржат на 24 април. Во нивните изјави се споменуват уставните промени, барањето гаранција од Брисел дека Бугарија нема да има нови условувања, како и предупредувањето за новиот устав.
Пендаровски: Ако се поништи Преспанскиот договор ние излегуваме од НАТО
„Ако се поништи Преспанскиот договор ние излегуваме од НАТО. Просто кажано ќе не исклучат од Организацијата. Ако таа госпоѓа (Силјановска Давкова) мисли дека самостојно можеме да ја обезбедиме нашата безбедност, на сите граѓани, на границите, на државата подобро тоа треба да го каже.
Тоа е опасен авантуризам“, рече кандидатот за претседател на СДСМ и коалицијата, Стево Пендаровски во Гевгелија, во одговор на прашање на граѓанка за негов коментар за поништување на Преспанскиот договор.
Османи: Да поставиме ѕид против изолацијата и блокадата
„Верувам дека оваа земја заслужува повеќе. Сакам сите заедници да успеат во и низ оваа држава. Затоа го формиравме овој Европски фронт. Да поставиме ѕид против национализмот, ѕид против изолација и блокада и да овозможиме европска интеграција. На овие избори не зборував за себе затоа што во рок од 7 години имавте можност да ме оцените“, рече во Штип кандидатот за претседател на коалицијата „Европски фронт“, Бујар Османи.
Османи вети дека доколку ја добие поддршката, Северна Македонија ќе биде членка на ЕУ до 2030 година.
Силјановска Давкова: Преговарачката рамка не е Библија, Куран или Талмуд
„Јас знам дека се тие практични и прагматични и дека сакаат да си решат некој проблем, ама решавањето понекогаш може да биде под наводници и да отвори нов проблем.
Значи дури и со интерпретација на оваа преговарачка рамка поинаква, оти не зборуваме за Библија или за Куран, не зборуваме за Талмуд, за Тора. рече во интервју за МИА, Гордана Силјановска Давкова, кандидатката за претседател поддржана од ВМРО-ДПМНЕ и коалицијата.
Таравари: Најпрво треба да отидеме во Брисел, за да добиеме некакви гаранции
Првата работа што треба да ја направиме е да отидеме во Брисел, да побараме некаква гаранција дека ова е последно политичко условување за Македонија. Јас продолжувам да мислам дека главната причина не се уставните промени за Македонија, рече во синоќешното интервју на Канал 5 телевизија Арбен Таравари, кандидатот за претседател од коалицијата „ВЛЕН“.
Јакимовски: Јас сум против менување на Уставот
„Јас сум противник на било какво менување на Уставот зашто токму знам дека кога ќе го отвориме Уставот тогаш ќе видете после кој ќе влезе внатре и какви тектонски промени ќе доживееме на политички, правен поред во Република Македонија.
А сето тоа ќе биде на штета на граѓаните на Република Македонија. “, рече во неговото обраќање на социјални мрежи кандидатот за претседател од редовите на ГРОМ, Стевчо Јакимовски.
Османи: Да поставиме ѕид против изолацијата и блокадата
„Верувам дека оваа земја заслужува повеќе. Сакам сите заедници да успеат во и низ оваа држава. Затоа го формиравме овој Европски фронт. Да поставиме ѕид против национализмот, ѕид против изолација и блокада и да овозможиме европска интеграција. На овие избори не зборував за себе затоа што во рок од 7 години имавте можност да ме оцените“, рече во Штип кандидатот за претседател на коалицијата „Европски фронт“, Бујар Османи.
Ванковска: Нов модерен устав за модерна македонска нација
„Нов модерен устав за модерна македонска нација која ги преминала болките кои ги имала во минатото, мислам на конфликтот 2001, меѓутоа и на олигархискиот грабеж кој и се случи на Македонија и фактички оваа колонијална положба во која се наоѓаме“, рече кандидатката за претседател на Левица, Билјана Ванковска на вчерашниот собир пред кумановци.
Подготви: Д. Тахири во соработка со ЦМТ