Еднодневниот конфликт во северот на Косово разлеа дезинформации и говор на омраза на социјалните мрежи.
„Главите да ви се скинат Ш****** племо секаде сте црвен пипер“;
„…Еден сончев ден повторно ќе се прават логори за избеглици, ама накај Албанија. Крвта арнаутска да ви ја е***!“;
„…Србите си ја бранат својата земја Косово, срцето на Србија и нема лесно да ви ја дадат да ја споите со Албанија…;
„Да го оставеа Слободан Милошевиќ 1999 година досега ќе немаше ниту еден ш***** сите ќе беа во Албанија, а не сега да дигаа прашина само да не беше сатанската Америка и Европа да ги штити на ш*****е“;
„Си играте со држава сетне ќе бегате со плачење, кај нас овдека со автобуси ќе ве носеа овие од КФОР, пепел ќе ве стори Србија“.
„Абе не знам зошто северџаните се грижат толку за тоа расипано племе“!
Ова се само дел од илјадниците објави и коментари на социјалните мрежи кои содржат експлицитен говор на омраза, а некои од нив и повици на етничко чистење и геноцид, што е кривично дело.
Погрешни и непотврдени информации и дезинформации за престрелките во Косово, 24 септември
Дел од косовските медиуми објавија вест дека еден од убиените Срби е Радомир Почуча, поранешен портпарол на специјалната антитерористичка единица во Србија, а воедно е и осудуван од српските судови, како учесник во странски војни. Тој учествуваше во војната во Донбас на страната на сепаратистите поддржани од Русија во 2014 година. Веројатно се работи за погрешна информација.
Подоцна, во текот на денот, оваа вест ја побива лице кое на социјалните мрежи се претстави како Почуча со видео во кое тој порачува дека е жив. Дека екстремистот Почуча не е меѓу убиените, пишуваше и српскиот портал Данас.
Во дел од медиумите се прошири информација дека дел од вооружените напаѓачи се префрлени во Србија со помош на КФОР и ЕУЛЕКС. Но, досега таквата информација не е потврдена.
Денеска, генералниот директор на косовската полиција Газменд Хоџа изјави дека оние од осомничените кои не биле неутрализирани или уапсени во нападот, успеале да заминат пеш од областа „во и околу манастирот Бањска“. Дрон снимил како косовската полиција ги бркала маскираните напаѓачи во селото Бањска. Видеото го објави телевизиајта Клан Косова. Автентичноста на видеото не е потврдена.
Во медиумите се шпекулира со различна бројка на убиени, повредени и уапсени, некои медиуми објавија дека се убиени 4 лица, некои објавија дека се убиени 5 напаѓачи.
Според официјалните податоци на косовската полиција убиени се тројца напаѓачи, уапсени се двајца напаѓачи и четворица осомничени кои нелегално поседувале радио комуникации, а за кои постои сомнеж дека се поврзани со терористичка група.
Останаа отворени прашањата како успеала да се извлече групата од 30-тина вооружени лица? Каде заминаа? Каде се сега? Кој ги организирал? Кој им дал оружје? Која им беше целта на вооружениот напад?
Затишија куршумите во Косово, меѓутоа се засили „пукањето“ со говор на омраза на социјалните мрежи!
Мониторинг тим на ЦИВИЛ