Од Министерство за култура изјавија дека се неточни изјавите од организаторите на Вевчанскиот карневал дека Министерството не ја поддржало манифестацијата за оваа година, пренесува МИА.
-Во тек е одлучувањето по Годишните конкурси на Минстерството за култура, а резултатите ќе бидат објавени согласно законските норми, во рок од 45 дена по донесување на Буџетот. Во таа смисла неточни се изјавите од организатрите на манифестацијата Вевчански карневал дека Министерството за култура не ја поддржало манифестацијата за оваа година, се наведува во соопштението од Министерството за култура.
Оттаму посочуваат дека одлучувањето е во тек, и, како што велат, секакво мешање во работата на стручните комисии е притисок врз нивната високопрофесионална, независна работа, која се одвива согласно законските норми.
