Во борбата против трговија со луѓе Државниот секретар на Министерството за внатрешни работи, г-ѓа Магдалена Несторовска, имаше средба со преговарачкиот тим на Владата на Република Косово.
Со склучување на Протокол за соработка меѓу двете министерства во оваа област се очекува да оди во насока на соработка на двата ресори во областа на борбата против трговијата со луѓе, како и размена на информации меѓу надлежните служби и спроведување заеднички проекти.
На истата тема, денеска во Скопје се одржува меѓународен семинар за добра пракса за етаблирање државна шема за надомест на жртвите на трговија во организација на Министерството за правда и Советот на Европа.
На семинарот ќе се обратат министерот за правда Билен Саљију, националниот координатор за борба против трговија со луѓе и илегална миграција Магдалена Несторовска, шефот на операции 1 секција од Делегација на ЕУ, Јаромир Левичек и шефот на програмската канцеларија на Совет на Европа во Скопје, Моника Мартинез.
На семинарот ќе се презентираат моделите на државните шеми за отштета на жртвите на трговија со луѓе или оние кои специјално се востановени за нив и да се проценат слабостите и позитивните страни на различните модели на државни шеми за отштета на жртвите на трговија со луѓе.
Преку семинарот, ќе се обезбеди размена на искуства од различни професионални перспективи и анализирање на модалитетите за востановување државна шема за отштета за жртвите на трговија со луѓе.
Семинарот е поддржан од „Хоризонталниот инструмент на западен Балкан и Турција“, програмска рамка во соработка на ЕУ и Совет на Европа.
Б. Ј.