Медијаторот на Обединетите нации во преговорите за името меѓу Македонија и Грција, Метју Нимиц во интервју за грчката национална телевизија ЕРТ вели дека нема нов предлог за името и дека на новата средба, закажана за 17 јануари во Њујорк, ќе излезе со предлог-идеи за кои веќе се дискутирало во минатото.
Според Нимиц новата влада во Скопје е многу заинтересирана да го реши ова прашање.
„Мислам дека и грчката влада исто така препознава дека ова е добар приод и добар чекор за грчката надворешна политика во регионот, да најде решение, за долгогодишното прашање. Од овие причини постои позитивен моментум меѓу двете земји. Мислам дека граѓаните во двете земји можеби се подготвени да слушнат одредени солуции, што се од нивни заеднички национален интерес, но исто така дека има одреден компромис тоа да се реши“, рече Нимиц.
Тој исто така забележува дека во регионот постои загриженост околу одредени прашања, како што се бегалците, тероризмот или нестабилноста и дека со водство на меѓународната заедница овие прашања треба да бидат решени.
извор: МЕТА
Содржините кои ЦИВИЛ ги презема од други извори не подлежат на лиценцата Creative Commons 1.0, инаку вообичаена за содржините кои ги објавува оваа медиумска платформа. Ве молиме, консултирајте се со изворот за преземање на таквите содржини.
Одговорноста за редакциското опремување на текстовите (наслов, наднаслов, фотографија, тагови) е на ЦИВИЛ Медиа.
