Во контекст на денешниот избор на Цвета Ристовска за заменик претседател Државната комисија за спречување на корупцијата (ДКСК), да се потсетиме која беше Цвета Ристовска пред да стане дел од антикорупциската комисија.
Како што пишува Драган Мишев во текстот „ГОРДИЕВ ЈАЗОЛ: Инкриминирана диплома на Бојан Христовски, факултетот за туризам „Скопје“ и мистериозната смрт на деканот Кожухаров, Антикорупциска и Цвета Ристовска“, еден од двата главни актера кои се најдоа во средиштето на „аферата“ за наводните фалсификувани сертификати и дипломи на директорот на АНБ, Бојан Христовски, која ја бранува јавноста последниве денови околу ова прашење е членката на ДКСК, Цвета Ристовска, и можниот за судир на интереси за предметот кој водеше за дипломите на директорот на АНБ, Христовски, издадени од универзитетот каде буквално „до вчера“, 25 декември, 2024 година, во списокот на наставен кадар фигурираше споменатата членка на ДКСК, покрај Сашо Кожухаров, поранешен декан на истата образовна инсттуција, чија мистериозната смрт ја истражува ЈО, и чиј потпис стои на инкриминираната диплома на Христовски.
На 25 декенври лани, Приватниот Универзитет „Скопје“, поранешен Универзитет за туризам и менаџмент ја отстрани од списокот на наставниот кадар сликата на Цвета Ристовска која од ДКСК беше назначена да го води предметот за директорот на АНБ, Бојан Христовски, каде дел беше и претставка за факултетската диплома на Христовска добиена од овој универзитет во време кога дел од наставен кадар била токму Цвета Ристовска.
Откако Телма испрати прашање до ДКСК за можен судир на интереси на Ристовска во предметот, Комисијата ги одмолча прашањата произлезени од информациите објавени на веб сајтот на ДКСК и на Универзитетот за менаџмент и туризам. Но, потоа прати демант во кој тврдеше дека нема никаков судир на интереси без да објасни од каде им е таков заклучок и кој, како и кога ја спровел законската процедура за проверка на судир на интереси за Цвета Ристовска.
ДКСК тврдеше дека имале техничка грешка на нивниот сајт, каде до вчера во биографијата на Ристовска стоеше дека е ангажирана како наставен кадар на приватниот Универзитет. Нејзината слика стоеше и на страната на Универзитететот повеќе од десет месеци по нејзиниот избор за член на ДКСК. Беше избришана дури вчера, откако ДКСК испрати допис до медиумите насловен Демант, во кој стои дека „тоа што на веб страната на ДКСК во делот на нејзината биографија стои дека магистерските студии се тековни, е техничка грешка“ и ја обвини ТВ Телма дека не им се јавиле да проверат дали податоците од двете веб страници се грешни.
Сепак, во официјалната биографија на Ристовска, која во пдф формат беше поставена на вебстраната на ДКСК, на страна 2 во делот „Образование и обука“ стои дека од 28.04.2011-тековно е магистер по економски науки на Универзитет за туризам и менаџмент. Во сегментот „Публикации, Презентации, Проекти, Семинари, Конференции“ во биографијата, на страна 6 стои „Спроведување настава од наставен предмет – ревизија, Универзитет за туризам и менаџмент, Скопје, 2012 година-тековно“.
Во април, Универзитетот преку својата официјална инстаграм страна и го честиташе роденденот на колешката М-р Цвета Ристовска.
Предметот за директорот на АНБ, Бојан Христовски ја вклучува и претставката за неговата факултетска диплома, добиена на факултет и универзитет каде во тоа време дел од наставен кадар била токму Цвета Ристовска. Токму нејзе ѝ бил доделен предметот за Христовски, во кој по анонимна претставка беше оспорена и факултетската диплома на Универзитетот „Скопје“. Таа на седницата на Антикорупциска рече дека случајот е чист според известувањето на Просветниот инспекторат.
Текстот „ГОРДИЕВ ЈАЗОЛ: Инкриминирана диплома на Бојан Христовски, факултетот за туризам „Скопје“ и мистериозната смрт на деканот Кожухаров, Антикорупциска и Цвета Ристовска“ беше објавен на ЦИВИЛ Медиа на 26 декември 2024 година.
ПРОЧИТАЈТЕ И:
Што се однесува до моралот, Цвета Ристовска едноставно – морала
