Претседателот на САД, Доналд Трамп, по двочасовниот разговор со рускиот претседател Владимир Путин објави дека „Русија и Украина веднаш ќе започнат преговори за прекин на огнот и, што е поважно, КРАЈ на војната“, објави Си-ен-ен.
„Условите за тоа ќе бидат договорени меѓу двете страни, како што може да биде само затоа што тие ги знаат деталите од преговорите за кои никој друг не би бил свесен“, рече Трамп на Truth Social, додавајќи дека „тонот и духот на разговорот беа одлични“.
„Русија сака да прави ТРГОВИЈА во голем обем со Соединетите Држави кога ќе заврши ова катастрофално „крвопролевање“ и се согласувам. Постои огромна можност Русија да создаде огромни количини работни места и богатство. Нејзиниот потенцијал е НЕОГРАНИЧЕН“, продолжи Трамп. Тој исто така рече дека Украина „може да биде голем корисник во трговијата“.
Трамп рече дека за содржината на повикот веднаш по неговото завршување ги информирал: украинскиот претседател Володимир Зеленски, претседателката на Европската комисија Урсула фон дер Лајен, францускиот претседател Емануел Макрон, италијанската премиерка Џорџија Мелони, германскиот канцелар Фридрих Мерц и финскиот претседател Александар Стаб.
„Ватикан, претставен од Папата, изјави дека би бил многу заинтересиран да биде домаќин на преговорите. Нека започне процесот!“, додаде Трамп.
Понеделничкиот повик со Путин е трет познат телефонски разговор меѓу двајцата лидери откако Трамп беше инаугуриран во јануари и доаѓа во време кога американскиот претседател е сè повеќе фрустриран од одбивањето на рускиот претседател да склучи мировен договор со Украина.
Д. Мишев
