Според Андриј Јусов, претставник на Главната управа за разузнавање на Министерството за одбрана на Украина, до денес, главната оперативна задача на руските агресори е активноста на истокот на Украина.
Сегашното засилување на руските трупи не треба да се споредува со целосната инвазија во почетокот на 2022 година, пренесува Укринформ, повикувајќи се на Главниот директорат за разузнавање.
„Гледаме дека не можат да ги извршат поставените задачи, но тоа не значи дека нема да има дополнителни обиди. Непријателот има резерва, акумулирана жива сила, но во исто време има проблем со опрема и муниција“, додаде претставникот на военото разузнавање.
Како што рече Јусов, „Русите разбираат дека продолжувањето на украинската контраофанзива и операциите за ослободување на нашите територии се неизбежни. Украинските вооружени сили се подготвуваат и овој план ќе биде спроведен“.
„Затоа непријателот брза и сега продолжува со силни напади врз Вухледар и Бахмут, сфаќајќи дека офанзивата на украинските сили е неизбежна и се обидува некако да ја попречи“, рече Јусов.
Како што е соопштено, според информациите добиени од специјалните служби на некои западни земји, Русија стационира борбени авиони и хеликоптери во близина на границата со Украина, подготвувајќи се за масовна офанзива.
Подготви: Д. Мишев