Развојот на ситуацијата во Русија продолжува да ја демонстрира поврзаноста помеѓу репресијата на Кремљ дома и неговата брутална агресија против Украина, стои во последниот извештај на Мисијата на САД во ОБСЕ за состојбата на човековите права во Русија.
На 16 март, руските власти конечно го започнаа своето политички мотивирано судење на опозицискиот политичар Владимир Кара-Мурза, речиси 11 месеци откако тој првпат беше приведен и потоа обвинет за неговата критика на бруталната војна на Русија. Вознемирувачки, неговото судење мораше да биде одложено поради неговата влошена здравствена состојба. Руските власти треба веднаш да го ослободат Кара-Мурза, да се погрижат да ја добие сета потребна медицинска помош и да ги отфрлат овие неправедни и измислени обвиненија.
Се сеќаваме и на повеќе од 540 други политички затвореници кои моментално се наоѓаат во притвор во Русија. Десетици лица и понатаму се притворени во врска со нивното прецизно известување или критика за бруталната агресивна војна на Русија, вклучително и пратеникот на градскиот совет на Москва, Алексеј Горинов, новинарката Марија Пономаренко и опозицискиот политичар Илја Јашин. Тука да не го заборавиме Алексеј Навални, кој минатата недела, наводно, по дванаесетти пат бил испратен во казнена ќелија, наводно затоа што „неправилно се претставил“.
Целта на Кремљ за Кара-Мурза и другите политички затвореници не се одвива изолирано, туку рефлектира сеопфатен напор да се замолчат сите неистомисленици во руското општество преку елиминирање на независните медиуми и затворање на организациите за човекови права. Само во последната недела:
-Кремљ изврши рации против Нобеловата организација Меморијал и нејзиното раководство под лажни обвиненија.
-Кремљ покрена постапка за ликвидација на невладината организација СОВА Центар, која работи на прашања за ксенофобија, насилен национализам, репресија на слободата на вероисповед или верување и злоупотреба на законите против екстремизмот од страна на руските власти, и
-Кремљ продолжи со бескрајното именување на лидерите на граѓанското општество и независните организации како „странски агенти“.
Од што се плаши Кремљ? Зошто Кремљ го замолчува сопственото граѓанско општество на Русија? Ја повикуваме Русија да ги почитува своите заложби за човечката димензија на ОБСЕ, да ги ослободи политичките затвореници и да го запре нападот врз основните слободи во Русија.
Подготви: Д. Мишев
