Генералниот директор на Светската здравствена организација (СЗО) Тедрос Аданом Гебрејесус денеска повторно повика на прекин на огнот меѓу Израел и Хамас, наведувајќи дека информациите за непријателствата и тешките бомбардирања во Газа се застрашувачки.
„Нашиот тим вчера ја посети болницата Насар на југот. Болницата беше преполна, со 1.000 пациенти, што е трипати повеќе од нејзиниот капацитет“, објави Гебријесус на социјалната мрежа Х.
The reports of ongoing hostilities and heavy bombardment in #Gaza are petrifying.
Yesterday our team visited Nassar Medical Hospital in the south. It was packed with 1,000 patients — 3 times over its capacity. Countless people were seeking shelter, filling every corner of the…
— Tedros Adhanom Ghebreyesus (@DrTedros) December 3, 2023
Тој изјави дека безброј луѓе барале засолниште, исполнувајќи го секој агол на здравствената установа, пациентите добиваат медицинска нега на подот, а некои врескале од болка.
Гебријесус предупреди дека условите за давање здравствена заштита се незамисливи.
„Не можам да најдам доволно силни зборови за да ја изразам нашата загриженост за она на што бевме сведоци“, магласи директорот на СЗО.
Г. Т.