Лидерот на Алијанса на Албанците, Арбен Таравари денеска преку своја објава на Фејсбук, изрази поддршка за иницијативата на ЦИВИЛ за општествено-политичко обединување за европска иднина на нашата земја.
За европска иднина на сите граѓани на Република Северна Македонија. Ја поддржуваме иницијативата на ЦИВИЛ – Центар за слобода и музичките ѕвезди, напиша Таравари на својот фејсбук-профил.
Цивил вчера упати јавен повик до сите политички партии да ја поддржат иницијативата за општествено-политичко обединување за европска иднина на нашата земја. Тоа можат да го сторат на едноставен начин: на профилите на социјалните мрежи на партиите, ограноците или на партиските лидери, да го споделат линкот до песната од видео каналот ЈуТуб или од Фејсбук.
Веднаш по упатениот повик, својата поддршка преку социјалните мрежи досега ја дадоа најголемата опозициска партија ВМРО-ДПМНЕ, вицепремиерот за европски прашања, Бојан Маричиќ, владејачката партија СДСМ и Алтернатива.
