Американскиот претседател Доналд Трамп им кажа на европските лидери оваа недела дека рускиот претседател Владимир Путин не е подготвен за мир во Украина затоа што верува дека ќе ја добие војната, објави „Волстрит џурнал“ на 22 мај, повикувајќи се на три неоткриени извори, пренесува Кијив Индипенднт.
Наведената изјава на Трамп е прв пат тој да им признае на европските лидери она што тие и Кијив долго време го тврдат – Кремљ нема намера да ја заврши својата целосна војна против Украина.
Во разговорот на 19 мај учествувале претседателот Володимир Зеленски, италијанската премиерка Џорџија Мелони, францускиот претседател Емануел Макрон, финскиот претседател Александар Стуб, германскиот канцелар Фридрих Мерц, претседателката на Европската комисија Урсула фон дер Лајен и претседателот на Европскиот совет Антонио Кошта.
Порано истиот ден, Трамп оствари телефонски повик со Путин, неколку дена по, во голема мера неубедливите преговори во Истанбул, каде што Русија испрати делегација од функционери од пониско ниво.
Европските лидери на повикот наводно изгледале „изненадени“ што Трамп бил „релативно задоволен“ од она што го слушнал од Путин, објави Axios на 20 мај.
И покрај напорите на САД, Путин покажа мала подготвеност за компромис за постигнување на договор. По повикот, Путин ги повтори максималистичките барања на Русија, негирајќи го целосниот договор за прекин на огнот.
Откако ја презеде функцијата во јануари, Трамп е недоследен во својата реторика кон рускиот лидер, понекогаш изразувајќи фрустрација од застојот во мировните напори, но најчесто избегнувајќи директни критики кон Путин.
Иако Трамп сега се чини дека признава дека Путин не е подготвен да се стреми кон мир, Белата куќа досега сè уште не вовела нови санкции ниту презела директни чекори за казнување на Русија, и покрај растечкото фрустрација меѓу сојузниците.
Украина го прифати безусловното 30-дневно примирје поддржано од САД кога Вашингтон првпат го предложи на 11 март. Русија го отфрли предлогот и продолжи со своите напади.
М. Д.
