Невладината организација за човекови права и слободи, ЦИВИЛ – Центар за слобода и Амбасадата на Украина во Република Северна Македонија организираат голема конференција, изложба на фотографии и промоција на книга под заеднички наслов „Украина – година на хероизмот“. Големиот настан ќе се одржи на 24 февруари, денот кога започна руската брутална инвазија против Украина.
Највисоки претставници на државниот врв, дипломатскиот кор и експерти се говорници на конференцијата. Изложбата е со дела од украинскиот фотограф Едуард Крижанивскиј, додека автор на книгата е претседателот на ЦИВИЛ и главен уредник на ЦИВИЛ Медиа, Џабир Дерала.
Настанот ќе биде пренесуван во живо, на онлајн каналите на ЦИВИЛ.
