Украинската амбасадорка Лариса Дир денеска го објави Планот за Победа на Претседателот на Украина, Володимир Зеленски, на македонски јазик. Објавата на Планот за Победа ја пренесуваме во целост.
Ден 966. Денес, Претседателот на Украина, Володимир Зеленски, го претстави Планот за Победа за Украина во Врховната Рада на Украина: pic.twitter.com/ewDK02CUBC
— Larysa Dir (@dir_larysa) October 16, 2024
- Ден 966. Денес, Претседателот на Украина, Володимир Зеленски, го претстави Планот за Победа за Украина во Врховната Рада на Украина:
Прво е покана за НАТО.
Ние сме демократска нација која докажа дека може да го брани евроатлантскиот и нашиот заеднички начин на живот – другите демократски народи.
Русија со децении ја користи геополитичката неизвесност во Европа, поточно фактот дека Украина не е членка на НАТО.
Токму тоа ја искушуваше Русија да посегне по нашата безбедност.
Сега фактот за покана на Украина во НАТО може да стане навистина фундаментален за мирот.
- Претседателот на Украина, Володимир Зеленски, ги дефинираше клучните насоки за спроведување на точка 2 од Планот за Победа на Украина:
– успешно продолжување на операциите на Силите за одбрана и безбедност на Украина во одредени реони на непријателска територија со цел да се спречат тампон зони на нашата земја;
– неповратно зајакнување на позициите на Силите за одбрана и безбедност на Украина и уништување на офанзивниот потенцијал на Русија на окупираната територија на Украина;
– помош на партнерите во екипирањето на резервните бригади за Вооружените Сили на Украина;
– доведување на противвоздушната одбрана на Украина на ниво што е доволно за заштита на нашите градови и села од руски ракети и дронови, и заеднички одбранбени операции со нашите соседи во Европа за соборување на руски ракети и дронови во граници на воздушниот штит на партнерите;
– проширување на операциите со користење на нашите украински ракети и дронови, како и инвестиции во проширување на нивното производство во Украина;
– отстранување од страна на партнерите на ограничувањата за употреба на оружје со долг дострел на целата територија на Украина окупирана од Русија и на територијата на Русија врз објекти од воена инфраструктура и обезбедување на Украина со соодветни ракети со долг дострел, дронови и други средства за уништување;
– обезбедување на Украина со сателитски податоци во реално време и податоци добиени со други разузнавачки средства.
- Третата точка од Планот за Победа на Украина – одвраќање:
Руското раководство дејствува агресивно само кога е убедено дека нема да добие соодветен деструктивен одговор.
Кога Русија знае дека ќе има одговор и разбира каков ќе биде тој одговор, тие избираат преговори и стабилен соживот дури и со стратешки противници.
Благодарение на ова, можно е одвраќање на Русија од агресија во однос на Украина и цела Европа.
Односно, пакетот на одвраќање е фактот дека Русија или оди кон дипломатија, или оди … кон губење на својата воена машина.
Мир преку сила.
Peace through strength.
Работи подеднакво резултативно на двете страни на Атлантикот. И оваа точка може да се обезбеди, вклучително, со финансирање во рамки на веќе склучени договори за безбедност со партнери и дефиниран обем на финансиска поддршка.
- Четвртата точка од Планот за Победа на Украина – стратешки економски потенцијал:
Во Украина се концентрирани природните ресурси, а особено критичните метали во вредност од трилиони американски долари. Тие вклучуваат, меѓу другото, ураниум, титаниум, литиум, графит и други стратешки вредни ресурси кои ќе ги зајакнат во глобалната конкуренција или Русија и нејзините сојузници, или Украина и демократскиот свет.
Депозитите на критичните ресурси во Украина, заедно со глобално важниот потенцијал на Украина во производството на енергија и храна, се меѓу клучните агресорски цели на Русија во војната.
- Претседателот на Украина Володимир Зеленски истакна дека точката 5 од Планот за Победа на Украина е дизајнирана за повоениот период:
По оваа војна, Украина ќе има еден од најискусните и најголемите воени контингенти. Тоа се луѓе – наши војници, кои ќе имаат вистинско искуство од модерно војување, успешно искуство во користење на западно оружје и сестрано искуство во соработка со војската на НАТО.
Ова украинско искуство треба да се искористи за зајакнување на одбраната на Алијансата и гарантирање на безбедноста во Европа.
Ова е достојна мисија за нашите херои.
Во случај на согласност од страна на партнерите, предвидуваме замена на одредени воени контингенти на американските вооружени сили стационирани во Европа со украински единици. По војната.
