Украинскиот претседател Володимир Зеленски изрази жалење за она што го нарече пропуштена можност за мир по кратките разговори меѓу делегациите од Русија и Украина денеска во Истанбул.
– Оваа недела, имавме реална шанса да се придвижиме кон завршување на војната – само (рускиот претседател Владимир) Путин да не се плашеше да дојде во Турција, објави Зеленски на X од маргините на самитот на европските шефови на држави и влади во Албанија.
I addressed the European Political Community Summit. This week, we had a real chance to move toward ending the war — if only Putin hadn’t been afraid to come to Türkiye. I was there ready for a direct meeting with him to resolve all key issues. He didn’t agree to anything. pic.twitter.com/OPiiKzEE1H
— Volodymyr Zelenskyy / Володимир Зеленський (@ZelenskyyUa) May 16, 2025
Зеленски рече дека бил „подготвен за директна средба со него за да ги реши сите клучни прашања“, но „тој не се согласи на ништо“, пренесе ДПА.
Зеленски јавно го повика Путин минатиот викенд да се сретне со него лично во Истанбул. Путин не одговори и наместо тоа на разговорите во Турција испрати делегација со понизок ранг.
