24 ЧАСА: Кривичен ненадлежен ни за Мерко; Пендаровски ќе остане единствениот кој ќе ја брани либералната опција, смета Ордановски; протестите се користат за дневно-политички цели

ВЕСТ НА ДЕНОТ

Кривичен суд ненадлежен за случајот со Рамиз Мерко, предметот ќе го прати во судот во Струга

Специјализираното одделение за организиран криминал и корупција при Основниот кривичен суд Скопје донесе решение со кое се огласува за ненадлежно по предметот против обвинетиот Рамиз Мерко од Струга за кривично дело „злоупотреба на службена положба и овластување“ и предметот ќе го достави за постапување во Основниот суд Струга.

ИЗЈАВА НА ДЕНОТ

Орданоски: Пендаровски ќе остане единствениот кој ќе ја брани либералната опција, сите други се десничари, националисти до најдесничарската Левица

„Практично заврши кругот на официјално собирање на потписи и сега имаме јасни седум кандидати, од кои двајца Таравари и Османи, ќе трчаат на каузата на етнички Албанци, а од другите пет кандидати, со се двајцата од етничките Албанци, Пендаровски ќе остане единствениот кој ќе ја брани либералната опција, лева, центристичко-лева опција. Сите други се десничари, националисти, кој повеќе, кој помалку, до оваа најдесничарската партија која се продава под името Левица, која има најрадикални погледи на свет“, рече Сашо Орданоски

ФЛЕШ ВЕСТИ

УНИВЕРЗИТЕТСКИ ПРОТЕСТИ Техничкиот премиер во врска со протестите на пет државни универзитети, кажа дека на закажани избори не се потпишуваат колективни договори и оти протестите се користат за дневно-политички цели…

СЕМЕЈНО НАСИЛСТВО Во 2022 година се бележи пораст за 61% на пријавите за семејно насилство во споредба со 2018 година. 92% од сторителите се мажи, а 80% од жртвите најчесто се жени

 САНКЦИИ САД  Компанијата „Сајтрокс“ (Cytrox AD) со седиште во Северна Македонија, заедно со уште четири други фирми и две физички лица е ставена под санкции …

СУПЕР ВТОРНИК Супер вторникот не беше толку супер оваа година поради мноштво предвидливи резултати, но имаше неколку изненадувања и некои предупредувачки знаци …

БОРБА СО ДЕЗИНФОРМАЦИИ Следната Европска комисија треба да има портфолио за борба против дезинформациите, бидејќи рускиот претседател Владимир Путин го користи како оружје за слабеење на демократијата со поттикнување недоверба во ЕУ…

ОТВОРЕН БАЛКАН Максимум до 30 дена трае таа проверка и се издава сертификатот. Со тоа по автоматизам граѓанинот добива две години дозвола за престој, во кои има право да бара работа во соодветната држава…

ВОЈНА ВО УКРАИНА

• Руската влада сокрила податоци за примателите на услуги за социјална поддршка во 2022 година, најверојатно за да ги прикрие жртвите претрпени во првата…
• Кулеба, МНР на Украина: Не ја повторувајте лагата дека „Русија нападнала затоа што Украина сакала да влезе во НАТО“ – тоа не соодветствува со фактите…

КОНФЛИКТИ

      • ЕК создава поморски хуманитарен коридор за поддршка на населението во Газа

АЛ-ПРЕС

Редакциски избор од албанските медиуми во регионот

Во Специјалниот суд за корупција и организиран криминал во Тирана, денеска ќе се одржи рочиште за поранешниот министер за одбрана, Фатмир Медиу, за трагедијата со експлозијата во Грдец.

Косовските медиуми ја пренесоа анализата на германски „Дие Велт“, за состојбите во Косово по нападот во Бањска, односно, за загриженоста на Берлин и европските престолнини.

ГОДИНИ НА ХЕРОИЗМОТ

Две години херојство на Украина: Значаен настан кој ги одбележа храброста и гордоста и го упати погледот кон иднината

„Украина- две години хероизам“  е насловот на годинешната мултимедијална конференција што се одржа на 26 февруари, во организација на Амбасадата на Украина, во соработка со ЦИВИЛ- Центар за слобода, во Музејот на македонската борба за независност.

Мултимедијалниот настан собра на едно место голем број дипломати од целиот свет, македонски политичари и интелектуалци, кои со своите обраќања ја потврдија безрезервната поддршка за Украина и украинскиот народ, и му порачаа на светот дека поддршката во секаква форма ќе продолжи до крајот на војната.

Лудва: Не постои компромис помеѓу вистината и лагата и треба да сме свесни за тоа, ние знаеме кој е окупаторот

Чешката Република им се придружи на 14 други земји во потпишувањето на Договорот за формирање нова коалиција која ќе се фокусира на интегрираните воздушни и ракетни одбранбени способности, изјави во своето обраќање амбасадорот на Република Чешка во Република Северна Македонија Н.Е. Јарослав Лудва, на конференцијата „Украина – две години хероизам“.

 АНАЛИЗИ

Според Тајмс, Трамп се сретнал со Маск – еден од најбогатите луѓе во светот – и со голем број богати републикански донатори во неделата и се надева дека наскоро ќе има дискусија еден на еден со Маск, извршен директор на Tesla Inc и SpaceX. и сопственик-извршен претседател на X, платформата за социјални медиуми порано позната како Твитер, кој откако ја купи платформата во октомври 2022 година,   ја врати сметката на Трамп откако предходно на поранешниот претседател му беше забрането да се појавува на платформата по нападот на Капитол на 6 јануари, одлука за која Маск претходно сугерираше дека е грешка. Трамп, чие лично богатство неодамна почна да се тенчи од пресудите против него во случајот за граѓанска измама во Њујорк и одвоеното судење за клевета, има за цел да обезбеди дополнителни главни придонесувачи во неговата кампања за претседател, пишува Драган Мишев во анализата „Трамп, во потрага по пари за кампањата, се сретна со Илон Маск“.

СЛОБОДНА ЗОНА

За време на конвенцијата на ВМРО ДПМНЕ за поддршка на кандидатката за претседателка Гордана Силјановска Давкова, на трибините и пред салата , како и пред гласачките кутии, можеа да се забележат неколку „ислужени“ членови кои треба да го претставуваат „новото“ лице на партијата, освежувањето што го вети лидерот , шпицниот градоначалник и татиниот асистент, Христијан Мицкоски. Еве, мала галерија со „новите“ лица на иднината што ја нудат Мицкоски и ВМРО – ДПМНЕ, пишува Драган Мишев во колумната „(ГАЛЕРИЈА) Да не биде „не сте знајали“, после гласање џабе ви е каење“

Подготви: Драган Мишев