ВЕСТ НА ДЕНОТ
ДИК одлучи: Независните кандидати на изборите ќе учествуваат со собрани два потписи
Независните кандидати ќе можат со собрани два потписи од избирачи да се кандидираат на претстојните локални избори. Државната изборна комисија на последната седница вчера усвои Правилник за регулирање на постапката за собирање потписи за поднесување на кандидатски листи поднесени од група избирачи и начинот на определување на нотарите…
ИЗЈАВА НА ДЕНОТ
„Сите подеднакво сакаме брзо и сигурно да ја завршиме оваа војна. А мирот мора да биде траен. Не како што беше пред години, кога Украина беше принудена да се откаже од Крим и дел од нашиот Исток – дел од Донбас – а Путин едноставно го искористи како појдовна точка за нов напад. Или кога на Украина ѝ беа дадени наводни „безбедносни гаранции“ во 1994 година, но тие не функционираа“, изјави Володимир Зеленски пред средбата со Доналд Трамп во Вашингтон.
РЕГИОН
Газени, претепани, заплашувани: Сведоштва од протестите во Нови Сад и Белград за N1
Во последните денови има зголемена ескалација на насилството на улиците во Србија. Граѓаните се сведоци на тепања, закани за силување и прегазување од автомобили, додека новинарите и активистите се цел на репресија…
СВЕТ
Трамп нагласи дека нема пат кон НАТО или враќање на Крим за Украина пред средбата со Зеленски во Вашингтон
Претседателот Володимир Зеленски пристигна во Вашингтон доцна на 17 август, каде што треба да се сретне со американскиот претседател Доналд Трамп на мировни преговори. Средбата има за цел да ја зајакне позицијата на Украина, додека Трамп врши притисок за брзо решение за да се стави крај на она што стана најсмртоносната војна во Европа во последните осум децении…
ПРАШАЊЕ НА ДЕНОТ
СЛОБОДНА ЗОНА
Влијанието на академиците не завршува во училниците или колумните. Тоа ја обликува јавната перцепција, го омекнува отпорот кон руската агресија и ги нагризува темелите на европската безбедност. Разобличувањето на овие наративи не е само прашање на исправка на фактите. Тоа значи да се разобличи улогата на елитите кои му позајмуваат кредибилитет на авторитаризмот, и да се потсети јавноста – и локално и меѓународно – дека додворувањето не е реализам. Тоа е соучесништво, пишува Џабир Дерала во анализата „Академски гласови, пропагандно ехо: Како интелектуалците на Балканот шират проруски наративи“.
Малески позира како умерен реалист, но неговите колумни не нудат ништо повеќе од „интелектуално“ покритие за руските пропагандни наративи. Во суштина, тоа е опасна апологија на политиката на додворување кон агресорите, со бришење на Украина како субјект и легитимизација на воените злосторства на Путин, пишува Џабир Дерала во колумната „Денко Малески ги воспеа Путин и Трамп: Зошто по ѓаволите„!?
РЕПРИНТ
Овој текст е објавен на 1 март годинава по средбата на Претседателот на Украина во Овалната соба. Сметам дека треба да се потсетиме на тој неславен момент за американската администрација. Иако многу текстови излегоа од тогаш, сметам дека треба да го понудам на препрочитување овој текст, затоа што е илустрација за тоа како изгледа кога кукавиците ќе се сретнат со херои. Во овој момент на борбата за слобода, изборот на Америка (и светот) е помеѓу демократијата или покорување кон тиранијата, пишува Џабир Дерала во текстот „(РЕПРИНТ) Кога кукавиците се соочуваат со херои: „За три дена. Го слушнав тоа од Путин.“ – аларм за будење на Америка и светот“.
Подготви: Д. Мишев
