ВЕСТ НА ДЕНОТ
Жрдепката заврши: Пендаровски број 1, Давкова ја доби двојката
Државната изборна комисија денеска ги констатираше редните броеви на претседателските кандидати на изборното ливче. Извлекувањето беше јавно, а го спроведоа претставници на кандидатите.
- Стево Пендаровски
- Гордана Силјановска Давкова
- Стевчо Јакимовски
- Бујар Османи
- Билјана Ванковска Цветковска
- Арбен Таравари
- Максим Димитриевски
ИЗЈАВА НА ДЕНОТ
Нема поскапување на парното за домаќинствата, тврди Бислимоски
-Во ниту еден случај нема да дојде до никакво поскапување на цената на топлинска енергија за домаќинствата, единствено може да дојде до намалување во зависност дали ќе има субвенции, дали ќе нема. Во текот на јули вообичаено ние ќе ја донесеме таа одлука. Можевме и сега да носиме популистичка одлука, кога ја намаливме цената за не домаќинствата, но се решивме да им се помогне пред се на овие потрошувачи кои во текот на енергетската криза ниту еднаш не беа субвенционирани, рече Бислимоски во одговор на новинарско прашање на денешната прес-конференција.
ФЛЕШ ВЕСТИ
МАТИЧНИ ЛЕКАРИ Матичните лекари од приватното здравство денеска од 12 до 16 часот нема да работат во знак на револт, откако во петокот нивен колега беше пронајден мртов со убодни рани на паркингот пред поликлиниката Железара.
ЏАФЕРИ – СИЛВЕСТРИ Премиерот Талат Џафери денеска имаше средба со амбасадорот на Италија во земјава Андреа Силвестри, на која е истакнато големото и искрено пријателство помеѓу двете земји создадено во 30-те години од воспоставувањето на дипломатските односи помеѓу државите, соопшти владината прес-служба.
БУГАРСКА ВЛАДА Шефицата на бугарската дипломатија и мандатар за состав на новата коалициска влада, Марија Габриел, од централно-десничарската партија ГЕРБ, вчера изјави дека не е постигнат договор за формирање нова влада со централно-десничарската партија Промените продолжуваат (ПП).
МАРШ ЗА ЖРТВИТЕ НА ДИКТАТУРАТА Неколку десетици илјади Аргентинци се собраа вчера на Денот на сеќавањето на жртвите на диктатурата (1976-83) со порака „никогаш повеќе“ и против актуелните власти кои го оспорува бројот на жртвите и настаните што доведоа до тоа време.
ВОЈНА ВО УКРАИНА
Украинските воздухопловни сили уништија две балистички ракети истрелани од руските војници кон Кијив од привремено окупираниот Крим, изјави командантот на украинските воздухопловни сили, генерал-полковник Микола Олешчук во објава на Телеграм,…
Меѓу Полјаците се зголемува подготвеноста доброволци, како и војници кои би ги испратила државата да се борат во Украина, а според истражувањето спроведено за локалните медиуми, денес 9,4 отсто од…
КОНФЛИКТИ
Израел се согласи со предлогот на САД за размена на затвореници и заложници, со кој ќе бидат ослободени околу 700 палестински затвореници, во замена за ослободување на 40 израелски заложници држени од Хамас во Газа,..
АЛ-ПРЕС
Редакциски избор од албанските медиуми во регионот
Во Брисел денеска ќе се сретнат главните преговарачи на Косово и Србија, Бесник Бислими и Петар Петковиќ, со сретнат со посредство на специјалниот пратеник на Европската унија за дијалогот меѓу Косово и Србија, Мирослав Лајчак. На средбата ќе се разговара за прекинот од оптек на српскиот динар во Косово, откако на 22 март страните ги дадоа своите предлози, пишуваат косовските медиуми.
Структурите кои ќе ги пречекуваат имигрантите кои доаѓаат од Италија ќе профункционираат на 20 мај, (договорот Рама –Мелони) Ова се предвидува во огласот објавен на 21 март од префектурата Рим, според кој се планирани 3 точки за прием и враќање на имигрантите, пишуваат албанските медиуми.
АНАЛИЗИ
Но, постои и друга група луѓе која ги обвини руските безбедносните служби дека се фокусирале толку многу на Украина и на политичката опозиција и малцинските групи, од кои многумина имаат ист правен статус како ИСИС-К ( Алексеј Навални според руските закони се сметаше за терорист и екстремист. И секој кој е дел од L.G.B.T. заедницата се смета за екстремистичка), така да, оние кои се опозициски настроени сметаат дека можеби доколку безбедносните служби не беа фокусирани на рации во геј клубови и убивање на антивоените и активистите за човекови права, тие подобро ќе го спречеа овој напад, пишува Драган Мишев во анализата „Путин и пропагандистите се обидуваат да ја обвинат Украина за терористичкиот напад во Москва“
Д. Мишев
