ТЕМА НА ДЕНОТ
РАЗГОВОРИ САД – РУСИЈА ЗА УКРАИНА
Разговори САД – Русија за војната во Украина: Путин е подготвен да разговара со Зеленски ако е потребно
САД и Русија водат разговори во Саудиска Арабија за војната во Украина, што е оценето како најзначајниот состанок на високо ниво од целосната инвазија на Москва пред три години…
Завршија разговорите САД – Русија во Ријад, според руската делегација разговорите биле „позитивни“
Американскиот Стејт департмент соопшти дека средбата меѓу американските и руските делегати во Ријад сега е завршена, објави Том Бејтмен, дописникот на американскиот Стејт департмент кој патува со Марко Рубио…
Стејт Департмент: САД и Русија се согласија да „ги адресаат проблемите“ на билатералните односи, да започнат преговори со Украина
Делегациите на САД и Русија се согласија „да се осврнат на надразнувачите на нашите билатерални односи со цел да се преземат чекори неопходни за нормализирање на работата на нашите соодветни дипломатски мисии“, рече портпаролката на американскиот Стејт департмент Тами Брус по денешните разговори во Ријад.
Валц: Дискусија за територијата и за безбедносните гаранции за крајот на војната во Украина ќе бидат основа на секаков вид разговори
„Ова треба да биде траен крај на војната, а не привремен крај, како што видовме во минатото. Знаеме дека практичната реалност е дека ќе има дискусија за територијата и ќе има дискусија за безбедносните гаранции. Тоа се фундаментални основи кои ќе бидат основа на секаков вид дискусија“, изјави по американско-руските разговори за ставање крај на војната во Украина, советникот за национална безбедност на САД, Мајкл Валц.
Рубио: Договорот за ставање крај на војната во Украина мора да биде прифатлив за сите страни, вклучувајќи ги Украина, Русија и Европа
Договорот за ставање крај на војната во Украина мора да биде прифатлив за сите страни, вклучувајќи ги Украина, Русија и Европа, изјави денеска американскиот државен секретар Марко Рубио по разговорите меѓу делегациите на САД и Русија во Ријад
ИЗЈАВА НА ДЕНОТ
Коцевски: Ако се утврди тешка дисциплинска повреда самиот ќе се повлечам, јавноста ќе цени дали ќе бидам разрешен на законит начин
„ Одлуката ја оставам на политичарите. Јас строго сум работел и сѐ уште ќе работам согласно Законот. Условите доколку се исполнети согласно Законот за ЈО, стојам на тоа и нека ме разрешат, меѓутоа, доколку не се исполнети условите согласно Законот за ЈО, јавноста ќе цени дали ќе бидам разрешен на законит начин или на незаконит“, изјави републичкиот обвинител Љупчо Коцевски.
РЕГИОН
Милановиќ положи заклетва за претседател на Хрватска
Зоран Милановиќ денеска свечено положи заклетва за втор мандат претседател на Хрватска пред претседателот на Уставниот суд, Мирослав Шепаровиќ, ветувајќи лојалност кон Уставот и оти ќе ја извршува должност за доброто на хрватскиот народ и хрватските граѓани.
СВЕТ
(ВИДЕО) Руски војници веејќи советски знамиња налетаа право на украинско минско поле во Курск, дроновите ги докрајчија
Самоуверено движејќи се кон украинските линии во Курската област во западна Русија со оклопни возила на кои дрско се вееше знамето на непостоечкиот Советски Сојуз, јуришната група на руската 155-та поморска пешадиска бригада навлезе право во минско поле поставено од украинската 47-ма механизирана бригада.
ПРАШАЊЕ НА ДЕНОТ: Што мислите дали се прави партизација или професионализација на судството и обвинителството?
СЛОБОДНА ЗОНА
Вооружени сили на рф и нивните контролирани воени формации продолжуваат да извршуваат воени злосторства, злосторства против човештвото и злосторства на геноцид на територијата на Украина. Злосторството на агресија на рф против Украина е злосторство на највисокото политичко и воено раководство на рф, пишува специјално за ЦИВИЛ Медиа Лариса Дир, вонредна и ополномоштена Амбасадорка на Украина во Република Северна Македонија во колумната „ Уништувањето на Мариупол: Трагите од воените злосторства не може да се избришат“
ЕКСКЛУЗИВНО ИНТЕРВЈУ со амбасадорката на Украина, Лариса Дир: Ништо за Украина без Украина!
Во ексклузивно интервју за ЦивилМедиа, амбасадорката на Украина, Лариса Дир, зборува за најновите предизвици со кои се соочува нејзината земја, за клучната улога на меѓународната поддршка и за тоа како Украина продолжува да се спротивставува на руската агресија. Во овој разговор, амбасадорката Дир сподели ставови и информации за крајно алармантните руски закани за нуклеарната безбедност на Украина, но и на целиот свет, геополитичките контексти на руската воена агресија и отпорот на украинскиот народ.
КОНТЕКСТ
На Трамп му се брза и многу му е потребна победа за да го зголеми своето влијание во внатрешната политика на САД, каде што се зголемува бранот на отворен и прикриен отпор кон неговата конзервативна револуција. Путин, напротив, ќе го забави преговарачкиот процес, повлекувајќи го по лажни патеки и ќорсокак, пишува Виктор Небоженко, директор на социолошката служба „Украински барометар“во текстот „ Договори или преговори?“
Подготви: Д. Мишев
