БАЛКАН ВЕБ: Обнова на Берлинскиот процес
„Германија инвестираше во обновување на Берлинскиот процес. Лекцијата научена од претходните рунди, потребата да се демонстрира политички дух во процесот на проширување, се чини дека е спроведена во пракса за време на самитот на 3 ноември. Личната посветеност на канцеларот Шолц за време на самитот е доказ за овој нов пристап. Канцеларот Шолц јасно стави до знаење дека стапката на пристапување на земјите од Западен Балкан во ЕУ, од Самитот во Солун во 2003 година, е неприфатлива, повикувајќи на нова стапка во процесот на пристапување.“, пишува меѓу другото во колумната „Обнова на Берлинскиот процес“ од Дитмир Бушати.
ЕКОНОМИА ОНЛАЈН: Cálmese señor Borell!
„Ваквиот пристап на ЕУ е предвидлив затоа што и за ваква техничка и косовска тема Србија се смета за страна на одлучување. WTF! Од кога го добивме овој принцип во меѓународното право каде што една држава издава таблички за друга држава?! Абе луѓе, Србија ако сака може да издава француски и германски регистарски таблички, но тие нема да важат во Франција или Германија бидејќи законите во вие земји се применуваат. И ако на пример утре Португалија издава шпански регистерски таблички, дали Мадрид бара од Лисабон да ги запре или да ги казни и да ги запре тие што имаат такви таблички? Сега некој излегува овде и ме потсетува дека не сме во Франција или Германија. Не, не сме, но Борели е Шпанец и тие двајца емисари на француско-германскиот план се француски и германски.“, извадок од колумната „Cálmese señor Borell!“ од Незир Краки за EO.
ЖУРНАЛ: Зошто на македонските академици им пречи раководството на државата од Албанци!?
„Професорката по право Мирјана Најчевска излезе со свој статус во кој повторно фрла камења кон Албанците. Таа истовремено го обвини премиерот Ковачевски зошто сака да ги обедини партиите на етничките Албанци, поставувајќи реторички прашања – нема ли доволно Албанци на лидерски позиции? Или бара од Албанците да бидат покомпактни, или затоа што го водат демократскиот развој, или затоа што се помалку корумпирани од Македонците, или само за да останат во владата?“, извадок од едиторијалот „Зошто на македонските академици им пречи раководството на државата од Албанци!?’ во Журнал.
Д. Тахири