ВЕСТ НА ДЕНОТ
Украина го потврди договорот за слободна трговија со Северна Македонија
Украинската Влада усвои резолуција за спроведување на договорот за слободна трговија со Северна Македонија. Според трговскиот претставник на Украина, Тарас Качка, оваа резолуција ќе овозможи договорот за слободна трговија меѓу Украина и Северна Македонија, ратификуван пролетта, целосно да биде применет.
ИЗЈАВА НА ДЕНОТ
Гласањето на уставните амандмани значи политичка стабилност и брзо членство во ЕУ. Од една страна се важни за забрзано продолжување на реформите и впишување на Северна Македонија во новиот пакет за проширување на ЕУ, а од друга страна за зајакнување на кохезијата и мултикултурниот карактер на македонското општество.Успешните уставни измени ќе значат јасна, чиста позиција за Северна Македонија, со исполнети критериуми од обврските кои произлегуваат од преговарачката рамка. Следниот потег ќе биде на Европската комисија, која ќе биде сигурна дека Северна Македонија продолжува на европскиот пат, изјави вицепремиерот Маричиќ во интервју за ЦИВИЛ МЕДИА.
ФЛЕШ ВЕСТИ
УСТАВНИ ИЗМЕНИ На еден ден пред седницата во Собранието на кое единствена точка на дневен ред е Предлогот за пристапување кон измена на Уставот на Северна Македонија, власта и опозицијата остануваат на своите непроменети ставови.
ЗАКОН ЗА ПЛАТИ Законот за плати со кој ќе се регулираат и платите на функционерите и избраните лица е во изработка, потврди денеска премиерот Димитар Ковачевски.
СКРИНИНГ Официјална статистика на Северна Македонија има постигнато високо ниво на усогласеност со европското законодавство и меѓународните стандарди е оценката на Европската комисија содржана вонацртот на Извештајот од скрининг процесот на Кластер 1 – Фундаментални вредности во делот на Поглавјето 18 – Статистика.
МАКЕДОНСКИ ВОЈНИЦИ ВО СЛОВЕНИЈА Осум лица, меѓу кои и двајца македонски војници, се затруле со јаглерод моноксид додека црпеле вода од подрум во Домот на култура во Чрна на Корошкем, во Словенија.
ЗЕЛЕНИ Речиси два века по патувањето на Чарлс Дарвин околу светот, еколозите планираат да тргнат по неговите стапки. Тие преземаат двегодишно патување низ четири континенти за да го проучуваат ендемичниот див свет и да ја зајакнат заштитата.
ВОЈНА ПРОТИВ УКРАИНА
Пред 15 години започна Руско инвазија врз Грузија. Иако самиот вооружен конфликт беше прилично краток (траеше само 5 дена), Украинците можеа да препознаат многу техники во нејзината информативна компонента што Москва ги користеше тогаш и повторно неодамна, во Украина.
*
Опасното проширување на воено-техничката соработка меѓу Иран и рф, вклучително во насока на снабдување и можно производство на ирански UAV во рф, бара итни и решителни дејствија на западните земји за неутрализирање на наведената опасност како за Украина, така и за другите демократски земји.
ЦИВИЛНИ АКТИВНОСТИ
ЦИВИЛ бара итна и решителна акција: Максимална казна за силувачите, институционална помош за жртвите и превенција од сексуално насилство врз децата во иднина
Како организација, посветена на промоција и одбрана на човековите права и слободи, ЦИВИЛ бара од институциите итно и решително да реагираат и на жртвите на сексуалното насилство да им обезбедат целосна професионална, медицинска и психосоцијална помош, а воедно да преземе превентивни и безбедносни мерки, ваквите ужасни случаи да не се повторат во иднина.
КОМЕНТАРИ
Ова да се случеше во било која друга држава денеска улиците ќе беа преплавени со луѓе кои ќе протестираа и ќе бараа правда и поголема заштита на децата, медиумите ќе правеа анализи, дебати со психолози, педагози… Но, наместо гласна реакција, ние денеска имаме огромен молк од сите, буквално од сите! Ниту невладини, ниту детската амбасада Меѓаши се уште не реагираа(т) за ваквите монстуозни чинови. Нема реакција ниту на социјалните мрежи…пишува Дехран Муратов во својот коментар „Невообичаен молк откако во еден ден се силувани четири деца, од татко(вци), брат, роднина“
БРЗА ПОШТА
Настрана фактот, со кој треба да се позанимаваат институциите одговорни за лицата кои себеси се поистоветуваат со познати личноси од историјата, со обелоденувањето на самата фотографија, нејзиниот објавувач, кој се става во улога на Месија, праќа порака, свесно или потсвесно (или подобро кажано вонсвесно) со која алудира на тајната вечера на која Исус бил предаден, пишува Драган Мишев во „Мицкоски со „апостолите“ на „тајна вечера“, кој е Јуда-та?“
СЛОБОДНА ЗОНА
Иако на прв поглед изгледа како придонес кон плурализмот, фрагментацијата на политичкото ткиво, може да предизвика и пад на квалитетот на политичкиот живот, а никако не значи дека е зајакната политичката култура. За време на изборните процеси, не мал дел од гласовите се губат поради прекумерната поделба меѓу повеќе политички субјекти. Кон тоа придонесуваат и изборниот систем, поделбата на изборни единици, моделот на пресметување на гласовите потребни за мандати и низа други, да речеме, објективни фактори. Барем тоа е впечатокот од долгогодишниот изборен мониторинг на ЦИВИЛ, во кој учествувам од самиот почеток, пишува Џабир Дерала во колумната „ Недоверба, страв и гнев – или – зошто луѓето гласаат „за инает“?
*
Па оттука и прашањето за пратениците: ќе застанат зад дефокусот „Бугарите во уставот“ или зад фокусот „Македонските преговори со ЕУ“, или, преведено на партиските вокабулари, ќе застанат ли зад својата партија или зад својата држава?, пишува Зоран Иванов по допрен глас во колумната „Зад својата партија или зад својата држава“
“
А јас ќе се симнам до восочната фигура на Тодор Лазаров во музејот во моето Ново Село и ќе седнам до него. Пред Тодор е последното негово писмо пред смртта каде напишал – „Македонија е изгубена!“ Ќе си поседам и ако неговиот дух е некаде над оваа клисура, ќе му порачам дека неговите хамлетовски дилеми се актуелни и денес и само од сегашните Македонци зависи дали „ќе нѐ биде или не“, пишува Војо Маневски во колумната „Лица и маски“
Д. Мишев
