По верзијата на српското Јавно обвинителство, дека оружјето употребено во нападот во Бањска, на северот на Косово, од Јавното обвинителство на Босна и Херцеговина соопштија дека го прифатиле барањето за взаемна помош од косовските власти. Обвинителството на Босна и Федералното одделение за полиција во Федерацијата Босна и Херцеговина ќе ги спроведат потребните активности за утврдување на сите расположливи детали за потеклото на запленетото оружје“.
ЕУЛЕКС соопшти дека на 23 ноември на Косово пристигнале шест полициски советници кои ќе ги поддржат избраните институции за владеење на правото, известуваат косовските медиуми.
Ова се дел од содржините од изборот што редакцијата на ЦИВИЛ Медиа ги издвои од албанските медиуми во регионот, за денешното издание на АЛ-Прес.
КОСОВО
Газета Експрес: Обвинителството на Босна и Херцеговина: Соработуваме со институциите на Косово за расветлување на истрагите за нападот во Бањска
Обвинителството на Босна и Херцеговина тесно соработува со институциите на Косово за расветлување на истрагите за нападот во Бањска.
„Босанското обвинителство го прифати барањето за взаемна помош од косовските власти. Обвинителството на Босна и Федералното одделение за полиција во Федерацијата Босна и Херцеговина ќе ги спроведат потребните активности за утврдување на сите расположливи детали за потеклото на запленетото оружје“, соопштија од Обвинителството на Босна, пренесе Газета Експрес.
Бота Сот: Шест полициски советници од Холандија и Шведска пристигнаа на Косово, ќе и даваат совети на полицијата
ЕУЛЕКС соопшти дека на 23 ноември на Косово пристигнале шест полициски советници кои ќе ги поддржат избраните институции за владеење на правото.
Во соопштението се наведува дека на посебен начин ЕС на ЕУЛЕКС ќе ја советува косовската полиција како подобро да ги спроведува редовните полициски активности при спречување и борба против криминалот и обезбедување на безбедноста, а истовремено ќе го следи и почитувањето на нивните обврски за човекови права, да им служат на заедниците што ги штитат и да ја градат довербата на јавноста преку полициско работење ориентирана кон заедницата, пренесе Бота Сот.
Телеграфи: ЦИК соопшти дека од денеска гласачите ќе можат да ги менуваат избирачките места во нивната општина
Централната изборна комисија (ЦИК) соопшти дека од денеска почнува со сервисирање на гласачите, кои ќе можат да го пронајдат и променат Гласачкиот центар.
Како што се наведува во соопштението, оваа служба на ЦИК ќе биде постојана, што значи дека гласачите ќе имаат можност да се информираат за гласачките центри и да побараат нивна замена и во неизборни години, пренесе Телеграфи.
АЛБАНИЈА
Сури: Истрагата на СПАК против Арбен Ахметај е политички мотивирана, се вели во извештај од американска правна канцеларија
Познатата американска адвокатска канцеларија Никсон Пибоди, која важи за една од најголемите и најважните компании не само во САД, туку и во светот, подготви детален правен извештај за случајот покренат од СПАК против поранешниот министер за финансии Арбен Ахметај, пренесе Сури.
АБЦ: СПАК поднесе барање до судот за разрешување на судијката Олдаши
Специјалното обвинителство (СПАК) до судот го поднесе барањето за разрешување на судијката Илириана Олдаши, на рочиштето за престанок на безбедносните мерки за поранешниот премиер Сали Бериша, пренесе АБЦ.
СПАК побара изземање на судијата Олдаши од процесот, бидејќи, според обвинителството, е во судир на интереси и треба да го напушти истражувањето на овој случај.
КОЛУМНА
Бота Сот: Политичката реалност и идентитетот
Опозицијата во Косово е поранешната соборена влада, која народот ја тргна од власт. Да се биде опозиција не е само загуба, туку и награда, затоа што народот разрешува влада за да се подобри и да ги смени политиките што го предизвикаа падот: кражби, корупција, непотизам и воопшто, недостиг на владеење на правото, пишува авторот Лис Букуроца во колумната „Политичката реалност и идентитетот“, објавена во Бота Сот.
Подготви: Д. Тахири
