Американскиот дипломат во Албанија, Дејвид Визнер излезе со јасна порака до политичарите, на средба со претседателката на Собранието Линдита Никола. Тој им порача дека партиите треба да им служат на граѓаните и евроатлантската иднина на Албанија. Се очекува дека лидерите на мнозинството и опозицијата ќе преговараат веќе денеска, пренесуваат албанските медиуми.
Деновиве на мрежата ИКС се појави фотографија на Милан Радоичиќ, организаторот на нападот во Бањска, со поранешниот српски амбасадор во САД, и претендент за премиер, Марко Ѓуриќ, за која косовските медиуми велат дека не се знае локацијата, ниту дали е автентична. Сепак, од американскиот Стејт Департмент излегоа со соопштение дека се запознаени со извештаите во медиумите за средбата меѓу Марко Ѓуриќ, српскиот амбасадор во САД, и Милан Радоичиќ, кој е на црната листа на САД поради вмешаност во меѓународниот организиран криминал, и дека остануваат на ставот дека Радоичиќ е криминалец кој мора да одговара, пренесуваат косовските медиуми.
Ова се дел од темите од денешниот редакциски избор на ЦИВИЛ Медиа, од албанските медиуми во регионот.
АЛБАНИЈА
Топ Чанел – Порака на Визнер до Собранието: Парламентот треба да им служи на граѓаните!
Во време кога минатата недела го произведе првото кршење на мразот, меѓу парламентарното мнозинство и опозицијата со најмногу пратеници во парламентот, Дејвид Визнер, вршителот на должноста на американската амбасада, се сретна со претседателката на Собранието Линдита Никола.
Од прес-службата на Собранието велат дека на средбата се разговарало за заложбата на претседателот Никола за враќање на работата на Собранието во нормала, со што се официјализира она што партиите досега го прифатиле надвор од камера.
Канцеларијата за печат ја пренесува изјавата на Дејвид Визнер на средбата дека „Парламентот е многу важен за Албанија и за демократскиот систем и корисно е партиите во Собранието да се заложат да им служат на граѓаните и евроатлантската иднина на Албанија“.
Посетата на американскиот дипломат на првиот човек на Собранието доаѓа во време кога социјалистичкото мнозинство заедно со опозицискиот дел претставен од Газмент Барди се обидуваат да постигнат договор со кој би се ставил крај на хаосот во парламентот од октомври минатата година.
Според Топ Чанел социјалистите ги чекаат чекорите што ќе ги преземе Газмент Барди. На минатонеделните состаноци социјалистите изразија подготвеност да ги разгледаат предлозите на Газмет Барди за истражни комисии врз основа на одлуката на уставниот суд и новиот закон за истражни комисии.
Балкан Веб: Криза во Собранието, преговорите продолжуваат преговорите помеѓу мнозинството и опозицијата н на ниво на претседатели
Како што продолжува кризата во Собранието, се чини дека преговорите меѓу опозицијата и мнозинството се отворени, а се фокусирани на разговори на ниво на лидери на пратенички групи.
Преговорите почнаа со интервенција на собранискиот спикер Линдита Никола за продолжување на ситуацијата.
Опозицијата бара формирање истражни комисии и мнозинството се изјасни дека е отворено за исполнување на овие барања, пренесува Балкан Веб.
КОСОВО
Газета Експрес: Објавена фотографија на Марко Ѓуриќ со Милан Радојичиќ баран од Интерпол – се вели дека се сретнале во ресторан
На социјалната мрежа „Х“ кружи фотографија од терористот Милан Радоичиќ во ресторан со Марко Ѓуриќ, кој го заврши својот мандат како амбасадор на Србија во САД и во моментов се очекува да стане премиер, пренесува Газета Експрес.
Корисниците кои ја објавија фотографијата иронизираат со српската држава која „не се дружи со криминалци и терористи“.
Милан Радоичиќ на 29 септември ја презеде одговорноста за организирање и учество во терористичкиот напад на 24 септември, откако косовските институции објавија снимка од терористичката група каде што тој се наоѓа.
Радоичиќ бил приведен од српската полиција, но по неколку дена Вишиот суд во Белград соопштил дека го ослободил од притвор еден ден по распитот. Оттогаш Радоичиќ е слободен во Србија.
Не е познато каде се случила оваа средба и дали фотографијата е автентична, пренесува Газета Експрес.
РСЕ- Стејт Департмент: Радоичиќ е криминалец кој мора да одговара
Американскиот Стејт департмент соопшти дека е запознаен со извештаите во медиумите за средбата меѓу Марко Ѓуриќ, српскиот амбасадор во САД, и Милан Радоичиќ, кој е на црната листа на САД поради вмешаност во меѓународниот организиран криминал.
„Имаме јасен став за г-дин Радоичиќ. Тој ја презеде одговорноста за нападот во Бањска преку своите адвокати. Тој е криминалец кој мора да одговара“, се вели во одговорот на портпаролот на американскиот Стејт Департмент за Радио Европа.
Се додава дека Србија мора да ги изведе пред лицето на правдата одговорните за нападот „извршен од паравоените структури во Бањска, Косово, кој резултираше со трагична смрт на наредникот на косовската полиција“, пренесува Радио Слободна Европа на албански јазик.
КОЛУМНА
ИНА: Демократија на стравот!
„Културата на комуникација меѓу политичките и подземните лидери е изградена на материјалистичката моќ главно од криминално потекло и нивните себични чувства против исплашената толпа која цел живот го окупирала до сериозна нерамнотежа на меѓучовечките односи.
Оваа политичка култура ја натера толпата да се потценува себеси, да го третира секој личен и интелектуален придонес како неважен, создавајќи антидемократски и дехуманизирачки политички дискурс дека вие сте тој што се бара и ако сакате да станете некој, мора нужно бидете под капата на нашата моќ.“, пишува Авторката Дијана Тоска во колумната „Демократија на стравот!“, објавена во ИНА.
Подготви: Д. Тахири
