ВЕСТ НА ДЕНОТ
Министерот за информатичко општество и администрација, Азир Алиу, заедно со евроамбасадорот Дејвид Гир, денеска во Скопје го потпишаа Договорот меѓу Европска Унија и Северна Македонија за учество на нашата земја во програмата „Дигитална Европа“. Во рамките на регулаторниот дијалог со Западен Балкан, на 30 јуни 2023 година, Европската комисија потпиша Договор за асоцијација за Програмата „Дигитална Европа“ – со Црна Гора, Северна Македонија, Албанија и Србија.
Бизнисите, јавната администрација и организации од овие земји ќе имаат пристап до фондот од 7,5 милијарди евра за периодот 2021-2027 година.
ИЗЈАВА НА ДЕНОТ
Цаца Николовска: Неосновано е однесувањето на опозицијата кон уставните измени
„Состојбата во која во моментов се наоѓа Северна Македонија во однос на уставните измени е однос меѓу државава и Европската Унија, а не Бугарија. Значи, странки во овој процес се Република Северна Македонија и Европската Унија. Однесувањето на опозицијата за целокупното негирање на потребата од уставните измени само со оправдување дека станува збор за бугарски диктат или притисок имајќи предвид на укажаниот однос на нашата држава и ЕУ, е сосема неоснован“, вели во интервју за МИА, претседателката на работната група за уставни измени, Маргарита Цаца Николовска.
ВОЈНА ВО УКРАИНА
Поранешниот американски претседател Ричард Никсон уште во 1994 година, еден месец пред да почине, го предупредил тогашниот претседател на САД, Бил Клинтон преку писмо дека доколку има конфликт во Украина, војната во Босна и Херцеговина ќе изгледа како „забава во градина“.
ФЛЕШ ВЕСТИ
ПРОМЕНИ Генералниот совет на ДУИ вчера на предлог од претседателот на партијата Али Ахмети го избра Бујар Османи за потпретседател на ДУИ.
УСТАВ Премиерот Ковачевски ќе го образложи предлогот за уставни измени пред пратениците на собраниската Комисија за уставни прашања на утрешната собраниска седница.
ЕКОНОМИЈА Владата потпиша договор со „Сивус“ за финансиска поддршка на инвестициски проект за периодот 2018-2022 година
AL-PRESS
Редакциски избор од албански медиуми: Приштинскиот универзитет ќе отвори курсеви по ромски јазик; 17 години од „средбата на слоновите“;„ПризренФест“ отворен со приказна од Украина
ДЕЗИНФОРМАЦИИ
Стара „изјава“ на Османи за македонскиот јазик спакувана како нова за ширење на говор на омраза
Повеќе: https://tinyurl.com/4k43h2hw
АНАЛИЗИ
Во ноември 2018 година, експремиерот Груевски побегна во Будимпешта, а СЈО ги приведе Камчев, Мијалков и другите „бизнис светци“ пред истражен судија. Истиот не дозволи да го замени притворот на Камчев со други форми на обезбедување, имајќи го во предвид гостопримството што тој би го имал во Бугарија, а сè поизвесно и во Русија.
ДОСИЕ: Заканите и можните последици од руската нуклеарна уцена во атомската централа Запорижја
Анализа на Серхија Кацуба, одбранбено аташе на Украина во Република Северна Македониja, во која се зборува за потенцијалните опасности што можат да доведат до катастрофа во централата Запорожја.
Повеќе: https://tinyurl.com/yjc3f5hv
СЛОБОДНА ЗОНА
„И, сосема неочекувано, само еден ден по ваквите изјави на Агелер, пратениците на ВМРО-ДПМНЕ решија да учествуваат во дебатата за Предлогот за уставни измени на собраниската Комисија за уставни прашања што претседателот на Собранието Талат Џафери ја закажа за вторник, 25 јули во 10 часот, на истата онаа дебата за која предходно претседател ВМРО-ДПМНЕ, Христијан Мицкоски и неколкуте членови во врхушката на партијата, објавија дека нема намера да учествува во собраниската дебата, која ја оценија за беспредметна и дека се тоа нивни јасни позиции, од кои нема поместување. А жешкото лето тукушто започна“, пишува Драган Мишев во „Агелер го одврза јазолот, клопчето почнува да се одмотува“
За Илинден и бугарско – макеоднските работи пишува Љубиша Николовски во „Декларации за Илинден за домашна употреба“. За уставните измени и потенцијалното „НЕ“ на опозицијата пишува Тони Поповски во „Политичките екстерналии на историското „НЕ“. Но истата тема за уставните измени, но од поинаков аспект пишува и Војо Маневски во „Страв од летање“.
Б. Јордановска
