ВЕСТ НА ДЕНОТ
ВМРО-ДПМНЕ се премисли, ќе учествува во собраниската дебата за уставни измени
Откако предходно ВМРО-ДПМНЕ објави дека нема намера да учествува во собраниската дебата, како што ја нарече, лицитациите на Ковачевски, Османи и Груби, и дека се тоа нивните јасни позиции, од кои нема поместување, денеска следува промена на ставот.
ИЗЈАВА НА ДЕНОТ
„На овој начин, го олеснуваме пристапот до лекарски услуги на лицата со попреченост кои повеќе нема да треба да плаќаат партиципација за услугите што ги добиваат. Ова, освен во делот на лекување, позитивно ќе влијае и на превентивата и на редовните лекарски прегледи на лицата со попреченост“, вели Ненад Коциќ, пратеник на СДСМ.
ВОЈНА ВО УКРАИНА
За време на целосната руска инвазија на Украина, 63 новинари беа убиени во воени операции или како резултат на руско гранатирање или тортура.
ФЛЕШ ВЕСТИ
ПРОСЕЧНА ПЛАТАПросечната месечна исплатена нето-плата по вработен, во мај 2023 година, изнесува 36.465 денари и таа е повисока за 16,1 отсто во однос на истиот месец минатата година. Зголемувањето е за 5.058 денари.
ПРАТЕНИЧКА ГРУПА Пратеникот и координатор на пратеничката група на ДУИ, Арбр Адеми, денеска изјави дека формално тие уште имаат 15 пратеници бидејќи Иџет Меџити и Мерита Коџаџику се уште не најавиле дека заминуваат од оваа пратеничка група.
ТУРИСТИЧКИ СЕКТОР Туристичкиот сектор е вратен на нивото од 2019 година и постигнува уште подобри резултати. Тоа го покажуваат најновите податоци, за јуни и јули
АЛ-ПРЕС
По околу 17 часа расправа и тензии, албанскиот парламент го одобри законот за „контрола на одгледувањето и преработката на растението канабис, за медицински потреби. Се очекува Турција да ја преземе командата со мировните сили предводени од НАТО во Косово …ова се дел од темите од изборот на редакцијата на ЦИВИЛ Медиа од албанските медиуми во регионот, за денешното издание на АЛ-ПРЕС.
КЛИМАТСКИ ПРОМЕНИ
Јули најверојатно ќе биде најтоплиот месец на Земјата во последните стотици, ако не и илјадници години,
АНАЛИЗИ
Додека навидум сменетата власт сѐ уште си ги чува своите „придобивки“ по широк опус на оценки од минатото, новата очевидно е збунета од потребата да биде поинаква во тие вреднувања. Впрочем, затоа и се соочуваме со фактот: постои иницијатива, а дури и одлука статуата на Ќосето да се врати пред зградите на судските институции, додека секое споменување на името на книжевниот бард Јаневски предизвикува некој вид на бојкот, по било кој повод, анализира Љубомир Костовски во „Лустрацијата и по неа: Зошто Славко Јаневски нема улица?“
*
Другата опција е „Фронтот за Европа“ да се натпреварува на избори без СДСМ за да се зачува „интересот“, како што велат партиски извори, на оваа партија наспроти екстремната десница, кај македонското гласачко тело, а во неа да се вклучат ДУИ, Алијанса, ЛДП, НСДП.., и граѓанскиот сектор., пишува Дестан Јонузи во анализата „Поделбите во политички блок на Албанците одат на штета на граѓаните и на евроинтеграциите!“
БРЗА ПОШТА
Али 102 године се Црногорци јуначки борили са аветињама Јапанцима, док се нијесу помирили.
Што ти значи техникалија. Како „војната“ помеѓу ЈО и ДКСК, пишува Дијана Тахири во „Војната“ помеѓу ЈО и ДКСК како црногорските јунаци против јапонските „аветињи“
СЛОБОДНА ЗОНА
Со песната „Не плачи мајко не жали, ако загинам за Македонија“… присутните граѓани ги полнеа батериите со патриотизам, чиниш ќе тргнат во поход да го освојуваат Солун, а не дека дошле на благороден протест против отварање на рудник за злато и бакар во Иловица, стумичко. Пред официјалните излагања, присутните во еден глас ја испеаja химната „Македонците се борат за своите правдини…“ и веднаш по химната следуваше воведно обраќање во кое беа поздравени Македонците и Македонките, (следува громогласен аплауз). Продолжува, „под ова врело македонско сонце дојдовте во голем број да го искажете својот револт кон срамната одлука на Владата“, (скандирање УАА)., пишува Дехран Муратов во колумната „Од Иловица до Солунa“
*
Отсекогаш сум имал убедување дека тој што си ја краде куќата е најлошиот вид на предавник. Тоа е како едно семејство кое се обидува да опстане со чесна работа, кое ги плаќа сметките, се обидува да ги образува децата. Како да кажам, постигнале некаков консензус во тесното семејството за некои работи кои се столбот на доследноста да се оди напред. Ова семејство верува во бавниот, но сигурниот процес на успех, пишува Назми Абдурахмани во „Корупцијата е предавство на народот и на земјата!“
*
Декартовото „Мислам, значи постојам“ не ги исклучува од постоење луѓето кои не мислат, туку само остава простор за прашањето како успеваат да постојат и покрај немислењето. Одговорот е во социјалната динамика – покрај нив има луѓе коишто мислат. Немислењето е штедење лична енергија, а критичкото мислење е најскапата работа на светот за една личност, па затоа, во едно општество се наоѓаат многу повеќе немислачи, пишува Емилија Целакоска во колумната „Во името на бугарскиот диктат, бугарскиот диктат и светиот бугарски диктат, амин“
Д. Мишев