Пишува: Амб. ЛАРИСА ДИР
Вонредна и Ополномоштена Амбасадорка на Украина во Република Северна Македонија
На 26 ноември 2024 година, во Хаг (Кралство Холандија), се одржаа изборите за составот на Извршниот совет на Организацијата за забрана на хемиското оружје за периодот 2025–2027 година.
Како резултат на изборите, Република Северна Македонија и Чешката Република беа избрани за членки на Извршниот совет на оваа Организација.
Од Источноевропската група, до моментот на изборите, беа предложени три држави (за две места): Република Северна Македонија, Чешката Република и Руската Федерација.
Важна задача за меѓународната заедница беше (и продолжува да биде) спречувањето на изборот на РФ во составот на Извршниот совет на Организацијата за забрана на хемиското оружје.
РФ не успеа да стане дел од Извршниот совет на Организацијата.
Државата-агресор РФ, која употребува муниција што содржи опасни хемиски супстанции, вклучувајќи хлорпикрин и други отровни материи, спротивно на Конвенцијата за забрана на развој, производство, складирање, употреба на хемиско оружје и за негово уништување, не може да биде дел од раководните органи на Организацијата за забрана на хемиското оружје.
Украина секојдневно евидентира и документира факти за кршење на нормите на меѓународното право, законите и обичаите на водење војна од страна на РФ, особено одредбите од Конвенцијата за забрана на хемиско оружје.
Фактите за руските прекршувања Украина ги доставува до Техничкиот секретаријат на Организацијата за забрана на хемиското оружје.
Генералното собрание на ОН реагираше на прекршувањата на РФ со донесување на Резолуција на 5 ноември 2024 година за имплементација на Конвенцијата за забрана на хемиско оружје. Во резолуцијата, меѓу другото, се повикува Организацијата за забрана на хемиското оружје да биде подготвена да ги истражи прекршувањата на РФ на одредбите од оваа Конвенција.
За Резолуцијата на Генералното собрание на ОН гласаа 155 држави, 16 се воздржаа, а само 9 гласаа против, што укажува на тоа дека светот ги осознава последиците од можната употреба на хемиско оружје и знае кој е директниот прекршувач на Конвенцијата и Повелбата на ООН.
Следна задача за меѓународната заедница треба да биде привлекување на РФ кон одговорност преку механизмите на Организацијата за забрана на хемиското оружје за употребата на хемиско оружје и хемиски средства за справување со немири како метод на водење војна против силите за безбедност и одбрана на Украина.
Високо го цениме придонесот на Северна Македонија во развојот и заштитата на меѓународното право, како и професионалната, ефикасна и координирана работа на македонскиот дипломатски тим.
Поврзана содржина: Коментар на Амбасадорката на Украина Лариса Дир по повод на усвојувањето на резолуцијата од Првиот комитет на Генералното собрание на ОН за имплементација на Конвенцијата за забрана на хемиското оружје (ЛИНК)
