Претседателката на Европската комисија, Урсула фон дер Лајен денеска пристигна во Кијив во својата шеста посета на Украина од почетокот на војната, во момент кога вниманието на светската јавност се повеќе се свртува кон Блискиот Исток.
„Доаѓам со цврста верба дека носам охрабрување и да потврдам дека цврсто стоиме на украинската страна“, изјави Фон дер Лајен на пат кон Кијив.
Good to be back in Kyiv for my 6th war time visit.
I’m here to discuss Ukraine’s accession path to the EU.
The EU’s financial support to rebuild Ukraine as a modern, prosperous democracy.
And how we will continue to make Russia pay for its war of aggression. pic.twitter.com/dLJ6bUz4UU
— Ursula von der Leyen (@vonderleyen) November 4, 2023
Заедно со неа е и дописникот на германската агенција ДПА, кој известува за група новински агенции кои учествуваат во проектот European Newsroom.
За време на престојот во Кијив, Фон дер Лајен ќе се сретне со украинскиот претседател Володимир Зеленски, премиерот Денис Шмихал и ќе се обрати пред пратениците во украинскиот Парламент.
The head of the European Commission, Ursula von der Leyen, has arrived in Kyiv and has already met with Zelensky.
She stated that she came to discuss the path of Ukraine’s accession to the EU 💪 pic.twitter.com/aWKfO58T6h— Dr. Khaled Alfaiomi (@Alfaiomi) November 4, 2023
Таа нагласи дека ќе разговараат за прашањата за проширувањето на ЕУ, финансиската и воената помош за Украина и подготовките за 12-от пакет санкции против Русија. Нејзината посета доаѓа неколку дена пред објавувањето на извештајот за напредокот на земјите кандидати за членство во ЕУ, кој Комисијата ќе го објави в среда.
Се очекува Комисијата да им препорача на шефовите на држави или влади на ЕУ отворање на пристапни преговори со Украина.
Г. Т.
