Се поголем број демонстранти против контроверзните реформи во правосудството се собираат пред израелскиот Парламент. „Гардијан“ објави видео од огромен број знамиња (вклучувајќи неколку палестински и ЛГБТ знамиња) во екот на „најголемиот протест во историјата на Израел“.
A sea of white and blue (+ handful of Palestinian and LGBTQ+ flags) at what is shaping up as the apex of Israel’s biggest ever protest movement. Hebrew media reports Bibi told US officials he will suspend the judicial overhaul. Still no ETA on his address delayed from this AM pic.twitter.com/ovUUtMHXnF
— Bethan McKernan (@mck_beth) March 27, 2023
Израелските медиуми јавуваат дека Нетанјаху им рекол на американските претставници дека ќе се откаже од контроверзната судска реформа, но се уште не е јасно кога ќе и се обрати на јавноста.
Израелската крајнодесничарска партија на Бен-Гвир, која стои зад контроверзниот предлог за реформи во правосудството, објави дека израелскиот премиер Бенјамин Нетанјаху одлучил да го продолжи рокот за прифаќање на судските реформи.
Ова се наведува во соопштението на партијата, но самиот Нетанјаху се уште не се обратил до јавноста. Ова сугерира дека Нетанјаху одлучил практично да го суспендира контроверзниот предлог за реформи, но не и да го напушти. Според „Гардијан“, тоа е еден вид соломонско решение кое веројатно нема да задоволи ниту една од страните во спорот, но ќе му овозможи на премиерот повеќе време да најде решение.
Како што пренесува „Гардијан“, Нетанјаху планира да ја одложи контроверзната судска реформа за неколку недели, што може да се смета за делумна капитулација пред демонстрантите. Во соопштението на екстремно десничарската партија се наведува дека предлогот за реформи во правосудството ќе биде префрлен на следната собраниска седница, која ќе се одржи по следниот празник Пасха.
Екстремно десничарската партија Еврејски сили објави дека во замена за согласност за одложување, Нетанјаху прифатил формирање на цивилна „национална гарда“, чии сили ќе бидат под контрола на Министерството за безбедност контролирано од Бен-Гвир.
Ноа Ландау, заменик уредничката на израелскиот дневен весник Хаарец, објави дека наводниот договор меѓу Нетанјаху и неговиот екстремно десничарски министер претставува исклучително опасен развој.
Worse & worse: Ben Gvir now says he reached a deal with Netanyahu to delay the judicial overhaul in return to the establishment of a new police force under his direct command. Ben Gvir’s private armed forces. Just what we needed… @haaretzcom https://t.co/BoLJVA14YB
— Noa Landau נעה לנדאו (@noa_landau) March 27, 2023
Ова станува се полошо и полошо. Бен Гвир сега вели дека постигнале договор со Нетанјаху што би ја одложил судската реформа, додека Бен Гвир за возврат би добил нова полиција под сопствена контрола. Приватни вооружени сили на Бен Гвир – токму она што ни требаше, напиша Ландау на Твитер.
Г. Т.
