И така, пренајдражи мои, куглата вели – Ближи се тренутак, кад ќе да куцне тај час, да се изјаснимо сви, у кутијици глас:
– за поизвесна и попросперитетна иднина во ЕУ и НАТО, или
– за неизвесна иднина полна со секакви ризици, недостаток на алтернатива, продолжување на транизициската агонија и тапкањето во место, а можеби и полоши варијанти со оглед на развојот и приказните за прекројување граници во регионот.
Не е потребна ниту кристална кугла да се видат начините, на кои противниците на референдумот сакаат да ја упропастат шансата што би си ја дале себеси граѓаните на Македонија за напредок. Во идните денови очекувајте дека, пред сѐ – ќе се разгорува меѓуетничката нетрпеливост.
Секако – покрај дневно – политичката критика, каде освен со оној дел кој е релевантен и предизвикува корекции кај власта, таа останува со прилично малку сојузници во справувањето со се што се налепува – лажни тревоги и вести, предимензионирање на минорни теми, лични и хајки или нарачки од политички центри, сензационализам, а богами и традиционално „рекетирање“ и праќање „економски“ пораки. Омниприсутноста и збрлавувањето на граѓаните со лажни вести и манипулативни содржини од секаков вид и на сите канали, особено онлајн и на социјалните мрежи – ќе биде главното оружје.
Национализмот и ксенофобијата се омилената појдовна точка, но и единствената точка на конзистентност во недостаток на некаква идеолошка или етичка „кичма“, што ги спојува противниците и бојкотирачите на нашата иднина.
Омразата кон другиот е со години, море децении точка на заедништво и поврзување на оние што и во оваа референдумска кампања ќе нѐ убедуваат да гласаме против или да ја бојкотираме, да одиме против својата иднина и иднината на нашите најблиски. На чело на колоната заблудени и изманипулирани луѓе полни со гнев и омраза, ќе ги видите оние што очигледно одлично живеат, напредуваат и пливаат сите овие години во тињата на транзицијата.
Секако, тие не се обраќаат кон сите нас. Јасно ви е дека противниците на иднината и референдумот не се обраќаат на сите граѓани на Македонија. За нив секогаш декларативно сите ќе бидат еднакви, но едни ќе бидат „поеднакви“. А „поеднаквите“ секогаш бараат непријатели меѓу „еднаквите“ .Ако нема внатрешни непријатели, предавници, мора да ги измислат, инаку ќе се изедат меѓу себе.
Затоа ќе ја изгубат и оваа битка, како и многу пред тоа. Македонија и нејзините народи и граѓани, вели младичот а потврдува и кристалната кугла, ќе знаат како и во сите клучни моменти, да изберат паметно и мудро. И- ЗАедно! Уз ту мисао вам угодан дан желим…
Услови за користење, авторски права и заштита на приватноста
Преземање на содржините под различни услови од наведените не е дозволено, освен со писмена дозвола од ЦИВИЛ. Повредата на авторските права е забранета со закон.