Во утринските изданија на албанските медиуми во регионот денеска вниманието е насочено кон пораката на хакерската група „Анонимуси“ до српскиот претседател Александар Вучиќ, со обвинение дека е марионета на Путин, а во Албанија се проблематизира владиниот пакет од 159 милиони евра во пресрет на изборите. Ова се дел од темите кои редакцијата на ЦИВИЛ Медиа ги избра за денешното издание на АЛ –ПРЕС.
БОТА СОТ: Пораката на „Анонимуси“ против Вучиќ и во одбрана на Косово наиде на големо одек во меѓународните медиуми
„Хакерската група „Анонимуси“ го обвини српскиот претседател Александар Вучиќ дека се однесува како „марионета на Путин“, додека Србија го поттикнува конфликтот со Косово, акција за која Русија се надева дека може да го одвои Западот од Украина.
„Русија се обидува да отвори нов фронт во Европа за да го одвлече вниманието на Западот“, изјави за Fox News Digital Ивана Страднер, советничка во Центарот за одбрана на демократиите за медиумски интегритет Бариш“, пренесе косовскиот дневник Бота Сот.
БАЛКАН ВЕБ: „Голем пакет“ или „изборна пилула“, албанската влада подели 159 милиони евра во пресрет на изборите
На седницата на 12 декември, Советот на министри на Република Аллбанија донесе десетици одлуки за распределба на средства за девет општини, за процесот на реконструкција од земјотресот во 2019 година и за јавни инвестиции. Од околу 10 милијарди леки (89 милиони евра) доделени преку безусловни трансфери, 6,6 милијарди се наменети за општина Тирана дефинирани како индивидуални грантови, реконструкции или поправки на згради, училишта, терцијарни реконструкции итн, се наведува во анализата на БИРН, дел од која ја пренесе БалканВеб.
Наречен „Големиот пакет“, распределбата на овој фонд премиерот Еди Рама ја аргументираше како мерка за ублажување на ценовната инфлација. На овој пакет поинаку гледа лидерот на опозицијата Сали Бериша, кој иницијативата ја нападна како „изборна пилула“.
ГАЗЕТА ЕКСПРЕС: КФОР денеска ќе ги отстранува оштетените камиони од барикадите, патот Митровица – Јариње два часа ќе биде затворен за сообраќај
„Косовската полиција соопшти дека денеска единиците на КФОР ќе ги отстранат оштетените камиони, кои се наоѓале на местото викано „Потокот на Жаже“, пренесува Газета Експрес.
Поради оваа причина, полицијата информира дека од утрото за сообраќај ќе биде затворена едната коловозна лента, а два часа до пладневните часови патниот правец ќе биде целосно затворен за сообраќај во правец Митровица – Јариње.“
ЈАВА ЊУЗ: Дали изборите на 14 мај можат да донесат промени?
„Локалните избори на 14 мај се најважниот политички настан не само во годината, туку и на долг период до парламентарните избори во 2005 година.
Мнозинството на овие избори доаѓа со навидум апсурдна логика. Социјалистичката партија на 14 мај нема да се натпреварува колку ќе победи општината, туку колку нема да загуби. По политичкиот скандал со бојкотот на 30 јуни 2019 година, СП ги даде сите општини во државата. Врз основа на ова, тежината, важноста, визијата, идејата, но и топката е на крајот во другата рака.“, извадок од анализата „Дали изборите на 14 ќе донесат промени“ од Ули Пата, објавена во албанскиот медиум Јава Њуз.
НИСТОРИ: Кој ги финансира косовските медиуми?
„Новинските организации и индивидуалните агрегатори на вести треба да бидат принудени да се идентификуваат како такви.
Треба да се направи незаконски за движење за застапување или група за притисок да се претставува како медиум. Правото на граѓаните да бараат правна тужба за клевета треба да биде пропишано со закон, а доколку се прогласи за виновен, организација или поединец треба да одговара.“, извадок од статијата „Кој ги финансира косовските медиуми“ од Вуди Џумшити, објавена во Нистори.
Д. Тахири
Извор: CivilMedia | Дозволено е преземање на текстот според лиценцата Creative Commons 4.0