Посетата на советникот од Стејт департментот, Дерек Шоле на земјите на Балкан, денеска е во фокусот на албанските медиуми во регионот, посебно изјавите во однос на Заедниците на општините со српско мнозинство, решение кое би било компромис за решавање на договорот помеѓу Србија и Косово. Од изборот на редакцијата на ЦИВИЛ Медиа, прочитајте во прилогот.
СЛОБОДНА ЕВРОПА -Шоле: Чекаме предлози од Косово за Заедниците
„Високиот советник на Стејт департментот на САД, Дерек Шолет, рече дека „Косово мора да ги исполни сите обврски во рамките на дијалогот, вклучително и формирањето на Заедницата на општините со српско мнозинство“ и оти очекуваат „Владата на Косово да направи некои предлози на маса“,пренесе Слободна Европа на албански јазик.
КОХА: Курти – Зошто планот на Ахтисари не им е доволен на Србите
„Косовскиот премиер Албин Курти изјави дека не разбира зошто договорот на Ахтисари не е доволен, кога со него се заштитуваат многу права на српското малцинство на Косово. Ова Курти го изјави во интервју за германскиот весник „Дер стандард“, на прашањето за формирањето на Заедницата на општини со српско мнозинство.“, пренесе косовскиот дневник Коха.
БОТА СОТ: 7 милиони само во текот на 2022 година, дали обвинетите во Хаг да се издржуваат со народни пари?
„Специјалниот суд е формиран пред околу 8 години. Познати по своето правно име како Специјализирани комори на Косово, тие беа формирани во август 2015 година, откако пратениците на Собранието на Република Косово го одобрија уставниот амандман, поточно новиот член 162 од Уставот на Косово, со две третини. (2/3 ) од гласовите на пратениците на Собранието на Косово, како и Законот за специјализирани комори и Специјализираното обвинителство.“, извадок од анализата „7 милиони само во текот на 2022 година, дали обвинетите во Хаг да се издржуваат со народни пари?“ објавена во косовскиот дневник Бота Сот.
Д. Тахири
