Централната изборна комисија на Косово го одобри списокот на избирачките центри на северот на Косово за локалните избори во Северна Митровица, Звечан, Лепосавиќ и Зубин Поток, Основниот суд во Приштина одреди еден месец притвор за напаѓачите на новинарот Ваљон Сула, во Албанија нов скандал, заменик генералната секретар кана премиерот работела и како приватна адвокатка во Стразбур против Албанија.
Ова се дел од темите што редакцијата на ЦИВИЛ Медиа ги издвои од албанските медиуми во регионот, за денешното издание на АЛ-ПРЕС.
КОСОВО
РТК: На изборите на 23 април ЦИК го одобри списокот на избирачки центри изборите на северот на Косово
„Централната изборна комисија (ЦИК) го одобри списокот на избирачки центри за изборите на 23 април, за градоначалник на четири општини (Северна Митровица, Звечан, Лепосавиќ и Зубин Поток) и предвремените избори за две општински собранија (Звечан и Лепосавиќ). .
Според одлуката на ЦИК, вкупниот број на избирачки центри во овие четири општини е 19, од кои 6 се редовни гласачки центри, додека други 13 гласачки центри се алтернативни, кои ќе се чуваат во контејнери.“, пренесе косовската РТК.
Репортери : Судот им одреди 1 месец притвор на напаѓачите на новинарот Ваљон Сула
„Основниот суд во Приштина на тројца осомничени за нападот на новинарот Ваљон Сула им одреди едномесечен притвор.
Веста за Reporteri.net ја потврди портпаролката на Судот Мирлинда Гаши преку соопштение до медиумите.
„Основниот суд во Приштина – Специјален оддел одлучи во врска со барањето на Специјалното обвинителство на Република Косово за определување мерка притвор во кривичниот предмет против обвинетите Љ.Д., К.Х и О.Х поради постоење основано сомнение. дека сториле кривично дело Поттикнување на презир и нетрпеливост од член 141 став 3 во однос на став 1 и член 31 од Кривичниот законик на Република Косово“, се наведува во соопштението на овој суд.“, пренесе Репортери.
Кланкосова: Се одржи марш за поддршка на преживеаните од сексуалното насилство за време на војната во Косово
„Денеска во Приштина се одржа марш за поддршка на преживеаните од сексуалното насилство за време на војната во Косово, по повод официјализирањето на 14 април како ден на овие преживеани.
Во текот на денот говори имаа и две преживеани од сексуално насилство, Васфије Красниќи-Гудман и Шихрете Тахири.
Маршот започна од плоштадот „Ибрахим Ругова“ и продолжи се додека хероините кои постојано зборуваат и први јавно проговорија за прекршувањата направени за време на војната, Васфије Красниќи-Гудман, а исто така и Шихрете Тахири“, пренесе Кланкосова.
АЛБАНИЈА
Балкан Веб: Скандал во кабинетот на Рама, заменик генералната секретар кана премиерот работела и како приватна адвокатка во Стразбур против Албанија
„Нов скандал ги зафати највисоките сфери на власта. Заменик-генералниот секретар на Советот на министри, Елира Кокона, ја вршеше својата приватна дејност како адвокат, иако од 2013 година е именувана на високи позиции во јавната администрација. Така, со доаѓањето на власт на Еди Рама, Елира Кокона беше назначена за генерална секретар ка на Министерството за култура, но и покрај тоа, паралелно, таа тивко ја продолжи својата адвокатска работа, дури и во случаите во судот во Стразбур.“, пренесе Балкан Веб.
Клан: Во Албанија започна изборната кампања, меѓународната заедница апелира на смиреност
„Денеска официјално започна изборната кампања за локалните избори на 14 мај. Политичките партии, кандидатите за градоначалници и оние за советници можат да ги претстават своите програми до 12 мај 2023 година, кога е и последниот ден од изборната кампања.“, пренесе албанската Клан ТВ.
КОЛУМНА
Газета Експрес: Како да се спасите од фанатик
„Ако некој е физички нападнат поради потсмев заснован на вистина, поради шега што боде свештеник во одреден момент, тоа е знак дека во општеството постојат расположенија и групи кои се застрашувачки подготвени да ја земат правдата во рака, имено да ги расчистат сметките на најкраток, целосно незаконски начин“, извадок од колумната „Како да се спасите од фанатик“, од авторот Арбен Идризи, објавена во Газета Експрес.
Д. Тахири