Од вчера на полноќ (6 кон 7 мај) започна изборниот молк за претседателски и парламентарни избори 2024, кој ќе трае до утре, 8 мај, ден на избори, до 19 часот кога ќе затворат избирачките места.
За време на изборниот молк се известува за изборите и текот на гласањето, но престануваат сите облици на изборно медиумско претставување.
Според Изборниот законик, член 76-б, за прекршување на изборниот молк се смета емитувањето какви било информации, фотографии, аудио и аудиовизуелни материјали поврзани со или во кои учествуваат учесници во изборите, какви било облици на медиумско известување кои се отворено или прикриено во функција на нечија кампања и можат да влијаат врз одлуката на избирачите, податоци со кои се открива идентитетот на политички субјекти и/или поединци вклучени во инциденти или неправилности на денот на гласањето; како и изјави од кандидати во изборниот процес, од претставници на политички партии и од носители на функции во органите на власта.
Изборен законик, член 76-б
(1) За време на изборниот молк, престануваат сите облици на изборно медиумско претставување
на учесниците во изборна кампања.
(2) Радиодифузерите и за време на изборниот молк продолжуваат да известуваат за изборниот
процес на денот на гласањето.
(3) При известувањето во деновите на изборниот молк, ќе се смета дека медиумите го прекршиле
изборниот молк доколку емитуваат, односно објават: какви било информации, фотографии,
аудио и аудио-визуелни материјали поврзани со или во кои учествуваат учесници во изборите;
какви било облици на медиумско известување кои се отворено или прикриено во функција на
нечија изборна кампања и можат да влијаат врз одлуката на избирачите; податоци со кои го
откриваат идентитетот на политичките субјекти и/или на поединци вклучени во инциденти или
други неправилности на денот на гласањето како и изјави од кандидати во изборниот процес, од
учесниците во изборна кампања, од претставници на политички партии, и од носители на
функции во органите на власта.
Во изборен законик за прекршување на изборникот молк се предвидува глоба од 4000 евра.
Изборен законик, Член 182
(1) Глоба во износ од 4.000 евра во денарска противвредност ќе им се изрече за прекршок на
радиодифузерот, печатениот медиум и електронскиот медиум (интернет портал) ако:-
– го прекршат изборниот молк (член 76-б).
(2) Глоба во износ од од 30% од одмерената глоба на радиодифузерот, печатените медиуми и
електронските медиуми (интернет порталите) ќе му се изрече и на одговорното лице на
радиодифузерот, печатениот медиум и електронскиот медиум (интернет порталот) за
прекршокот од ставот (1) на овој член.
Б. Ј.
