Руската пропаганда продолжува да фалсификува видеа со претставници на украинските власти.
Руските пропагандни Телеграм канали, групите на социјалната мрежа ВКонтакте и видео хостинг на YouTube дистрибуираа видео во кое, наводно, на екранот на стадионот за време на фудбалски натпревар помеѓу екипите „Лос Анџелес Рамс“ и „Сиетл Сихокс“, лицата на присутните се залепени наголемиот екран до лица на различни познати личности за забавни цели, пренесува Укринформ.
Наводно, видеото покажува стара фотографија на Володимир Зеленски. Тоа беше поврзано со онлајн пренос од стадионот на кој беше прикажан тапанарот на Ред Хот Чили Пеперс, Чад Смит. Од видеото се гледа дека ова го налутило музичарот. Ова го потенцираа и пропагандистите.
Оваа содржина е лажно видео. Ова го покажува обратното пребарување на Google за еден од видео фрагментите. Видеото што го користат пропагандистите може да се најде по два линка што водат до TikTok, но наместо фотографијата на Зеленски, на неа е прикажана фотографија од американскиот актер Вил Ферел.
Од објавата произлегува и дека настанот се случил на стадионот СоФи кој се наоѓа во предградието на Лос Анџелес.
Пребарувањето на YouTube за клучните зборови SoFi Stadium, Los Angeles Rams и Chad Smith донесе видео снимено од поинаков агол. На него се гледа дека за време на настапот на стадионот бил прикажан американскиот актер, а не Володимир Зеленски, што уште еднаш потврдува дека видеото што го обезбедиле пропагандистите е едноставно лажно.
Апсурдноста на ова лажно тврдење го потрдува факот што американскиот бенд Ред Хот Чили Пеперс уште во септември минатата година се приклучи на кампањата „Stand Up For Ukraine“ за поддршка на Украина.
За време на концертот во Мајами, фронтменот на Ред Хот Чили Пеперс, Ентони Киедис излезе на сцената со украинско знаме како знак на поддршка за Украина во позадината на руската агресија.
Соодветната фотографија од концертот бендот ја објави на Фејсбук. „Сакајте ја Украина“, се вели во објавата.
Подготви: Д. Мишев
