.„Запрепастени сме од појавувањето на 11 април на видеото на кое се гледа како руски војници егзекутираат украински заробеник. Позирајќи пред камерата, руските џелати со посебен цинизам му одземаат животот на човек“, се вели во соопштението на МНР на Украина по појавата на видеото во кое се гледа обезглавување на украински војник.
„Ова не е прв случај на флагрантен нехуман третман на украински заробеници од страна на руските војници. Илјадници случаи имаше во Буча, Ирпин, Гостомел, Бородјанка, Мариупол и други украински градови и села. Руската Федерација намерно спроведува во Украина политика на тортура, физичко малтретирање, нехумано постапување, намерно нанесување на тешки страдања, сериозни телесни повреди и намерно убивање како на заробениот воен персонал, така и на цивили.
Убиството на украински заробеник зафиксирано на видео е сериозно кршење на Женевските конвенции и е воено злосторство во согласност со одредбите на Кривичниот законик на Украина и Римскиот статут на Меѓународниот кривичен суд. Според Римскиот статут, ваквите дејствија може да бидат квалификувани и како злосторство против човештвото.
Ја повикуваме Канцеларијата на Обвинителот на Меѓународниот кривичен суд неодложно да обрне внимание на уште едно злосторство на руските војници во контекст на истраувањето на воени злосторства и злосторства против човештвото извршени од граѓани на рф на територијата на Украина.
Сите лица вклучени во злосторствата во Украина – како највисокото раководство на рф, така и директните извршители – безусловно ќе бидат казнети.
Исто така, ја повикуваме и меѓународната заедница да преземе решителни и итни мерки за зголемување на помошта за Украина со цел да се заштитат Украинците од рускиот геноцид и да се ослободат сите наши територии“, се вели во соопштението.