Изработката на новиот Устав на Сирија, доставувањето на хуманитрана помош за сириското населние и состојбата во Источна Гута, беа главни теми на средбите на специјалниот пратеник на ОН за Сирија, Стафан де Мистура со неговите домаќини во Москва.
Мистура се сретна со рускиот министер за одбрана Сергај Шојгу со кого ги разгледа прашањата за состојбата во реонот на Источан Гута, поранешната бунтовничка енклава во блзината на Дамаск, како и за дистрибуцијата на хуманитрана помош до цивилното население.
Сириската Влада им даде на бунтовниците во Источна Гута тридневен ултиматум да го напуштат регионот, кој почна да тече од средата на полноќ.
Шојгу го информираше Мистура дека сириските бунтовници се обиделе да качат десетици бомбаши-самоубијци во автобусите со кои се евакуираат жителите од источните предградија на Дамаск.
Пред Мистура, Шојгу истакна дека војниците во понеделникот пронашле седум појаси со експлозив, во вторникот уште 32 и девет во средата. Тој истакна дека во изминатите две недели од Источна Гута биле извлечени 130.000 цивили и 11.000 бунтовници.
Мистура пак истакна дека од клучно значење е да се гарантира безбедноста на цивилите кои се евакуираат од областа.
Пратеникот на Светската организација во разговорите најавил и дека ОН планираат да испратат експерти во Сирија, кои ќе имаат задача да изработат планови за обнова на разурнатите градови во земјата.
Мистура се сретна и со шефот на руската дипломатија Сергај Лавров, со кога разговараше за обнова на мировните преговори за Сирија во Женева, со главен акцент на изработката на идниот устав на земјата.
На сребата Лавров порачал дека се надева оти ОН ќе го зголемат своето учество во „колективните напори за помош при обнова на реоните на Сирија разуранати од дејствувањето на терористите“, со што би им се овозможило на „мирните граѓани“ побрзо да се вратат во своите домови.
Извор: МИА
