ВЕСТ НА ДЕНОТ: Сите ќе бидат вклучени во новата концепција за основно образование, најави Царовска
Концептот е подготвен од релевантни универзитетски професори и наставници кои се во настава директно сега и можат да ги видат предизвиците. Универзитетските професори заеднички со наставниците изградија визија за тоа каква концепција за учење во основно образование треба да има во нашата држава. Најрелевантни се педагозите и психолозите. Ова денеска го соопшти министерката за образование Мила Царовска на прес-конференција, на која беше презентирана новата концепција за основно образование.
Одговорајќи на новинарско прашање за историја и географија да останат како засебни предмети, министерката Царовска посочи дека верува во транспарентност и додаде дека низ дискусија се носат најдобри одлуки. По денешната презентација на оваа концепција, најави дека почнува јавна дебата, а документот ќе биде јавно достапен и сите релевантни ќе можат да дадат коментар.
-Но, најважно е дека сите профили кои треба да создаваат наставни програми понатаму, како историчари, географичари, тие директно ќе можат да се пријават на конкурс, да учествуваат во подготовка на наставните програми. Тој процес исто така ќе го водиме транспарентно. Нема грижа дека некој нема да биде вклучен. Сите ќе бидат вклучени затоа што ова е значаен процес за нашата држава. Ова е значаен процес за образовниот систен, но и за економијта и иднината на државата, нагласи Царовска.
ИЗЈАВА НА ДЕНОТ: Царовска: Нема да дозволиме да има учебници со експлицитни, стереотипни и дискриминаторски содржини
„Има кратки интервенции, тоа веќе го направивме со повлекување на некои учебници кои имаа јасна и експлицитна содржина која не е соодветна во образование, но, исто така се подготвува и нов концепт за ученици кој треба да следи заедно со оваа концепција, а тоа е третата фаза за подготовка на материјали кои се уредени со прописи кои укажуваат на кој начин се носат учебниците“, одговори министерката за образование и наука Мила Царовска на прашање на ЦИВИЛ Медиа за тоа дали и на кој начин МОН и БРО планираат да се справат со дел од наставниот и стручниот кадар во училиштата, кои на учениците, посредно или непосредно и на родителите, им пренесуваат содржини со националистички пораки, а кои не се дел од наставните програми.
ЦИВИЛНИ АКТИВНОСТИ
Панел дискусија на ЦИВИЛ: Млади, перспективи…
ЦИВИЛ организира панел дискусија насловена „Млади, перспективи…“ која ќе се одржи на 24 декември 2020 година, четврток, во Хотел Сити Парк, во Скопје, со почеток во 12 часот.
На панелот како говорници ќе учествуваат Стефани Спировска од МОФ, Борјан Ефтимов, Претседател на УСС, Ермин Климента, веб девелопер во ЕЛАМИ и Ангела Петровска, новинарка и дел од екипата на ЦИВИЛ Медиа. Панел дискусијата ќе ја модерира Дехран Муратов.
ФЛЕШ ВЕСТИ
Штом ќе биде достапна вакцината против КОВИД во земјава, први ќе ја примат лекарите, медицинскиот персонал и сите други што се на првата линија во борбата со пандемијата, потоа хронично болните, возрасните граѓани, вработените во градинките и останатите на приоритетната листа, соопштија денеска владините портпароли, Душко Арсовски и Муамет Хоџа.
Собранието на денешната 28-ма седница, по скратена постапка, го усвои владиниот Предлог на закон за реализација на проектот „Нов Универзитетски клинички центар“ за изградба и ставање во употреба на комплекс на градби.
На неколку дена пред новогодишните празници инспекциските служби ги интензивираа надзорите на терен и во соработка со МВР во текот на минатата недела се спроведоа голем број координирани акции кај различни субјекти.
Претседателот и врховен командант на Армијата Стево Пендаровски, денеска во Домот на Армијата во Скопје, беше информиран од страна на началникот на Генералштабот, генерал-потполковник Васко Ѓурчиновски за состојбата и борбената подготвеност на Армијата на Република Северна Македонија во 2020 година.
ДКСК на денешната 44-та седница постапува по повеќе предмети оформени по пријави од укажувачи согласно Законот за заштита на укажувачите.