Претседателот на Алијансата за Албанците, Арбен Таравари, преку Фејсбук објава реагира на антиалбанските скандирања и говорот на омраза што се случија на 2 август на кошаркарски натпревар во Куманово.
Таравари ги осуди навредите упатени кон Албанците во присуство на високи државни личности, апелира на смиреност, но подвлекува дека молчењето кон говорот на омраза не е решение и дека институциите мора решително да реагираат за да се зачува меѓуетничкиот соживот во земјата.
Вчера во Куманово, на кошаркарски натпревар, во присуство на премиерот Мицковски, претставници на ВЛЕН, министерот за внатрешни работи Тошковски и други функционери, ние, Албанците, бевме проколнати за нашата мајка, семејство, потекло, племе и семе во хор од македонските навивачи!
Премиерот молчеше и молчеше… се чинеше како да добива одговор на она што го поттикна пред неколку дена со палење оган меѓу етникумите и користење опасни изрази како „каур“.
П.С.
Викаа за Чиста Македонија (без Албанци)…
Што да кажам?!
Ќе изберам мир како и секогаш, но овој опасен дух за земјата и Регионот што го носи ветерот од Србија, па и подалеку, мора да биде осуден и изгаснат!, реагира Таравари на Фејсбук.
На кошаркарскиот натпревар помеѓу македонската и романската репрезентација кој се одигра на 2 август во салата во Киманово се случија немили сцени со националистички скандирања и говор на омраза во присуство на премиерот Христијан Мицкоски, министерот за внатрешни работи Панче Тошковски, вицепремиерот Иван Стоиљковиќ, кумановскиот градоналачник Максим Димитриевски. и други високи државни претставници.
Со еден ден задоцнување, по реакциите на јавноста и некои медиуми, Основното јавно обвинителство од Куманово отвори постапка и му издаде насоки на СВР Куманово за истражување на елементи на кривично дело поврзано со скандирања со говор на омраза од страна на непознати лица и издаде наредба за обезбедување на снимките од видео надзорот со цел да се идентификуваат сторителите на инцидентот кој се случи за време на кошаркарскиот натпревар меѓу репрезентациите на Македонија и Романија, одигран на 2 август во Куманово.
Д. Мишев
